اوتگن کونی جمهور رئیس غنی، نیچه ییلدن بویان بگرام قماقخانهسیده حبسده بولگن طالبان محبوسلریدن 3 کیشی جملهدن حاجی مالی خان، حافظ رشید و انس حقانی افغانستان-آمریکا بیلیم یورتی نینگ استادلریدن 2 تهسی طالبان نینگ قولیدن قوییب یوباریلیشی بدلیده شرط اساسیده، قوییب یوباریلیشیدن خبر بیردی.
مذکور 3 کیشی نینگ قوییب یوباریلیشی بیرقطار واکنشلر بیلن روپهره بولگن. افغانستان یشاوچیلر اوشبو محبوسلرنینگ قوییب یوباریلیشینی قربان بولگنلر عایلهلری حقیده جفا بیلهدیلر.
مملکت سیاسی ایش بیلرمانلریدن بیری بسمالله رنجبر نینگ ایتیشیچه، جمهور رئیس غنی نینگ انس حقانینی قوییب یوباریشی خصوصیده صلاحیتی یوق دیر و آمریکالیکلرنینگ فشاری و سعی و حرکتلری باعث، طالبان گروهی نینگ اوشبو اعضالرینی قوییب یوباریلیشی خصوصیده قرار قیلینگن.
جناب رنجبرگه کوره، چیتایللیک یشاوچیلرنینگ گروگه آلینیش قضیهلریگه دقت بولمهگن صورتده، طالبان گروهی گروگه آلیش آرقهلی افغانستان حکومتی یا-ده آمریکا قماقخانهلریده بولگن محبوسلرینی قوییب یوباریلیشی اوچون سعی و حرکت قیلهدی.
سیاسی ایش بیلرمانلردن باشقه بیری احمد سعیدی نینگ ایتیشیچه، انس حقانی اوچ مرته صلاحیتلی محکمه تامانیدن اعدامگه محکوم بولگن و اونینگ قوییب یوباریلیشی سیاسی قانونگه قرشی دیر.
جناب سعیدیگه کوره، افغانستان حکومتی نینگ سیاسی استقلالیتی یوق، آمریکا و پاکستان نینگ فشارلری سبب، حقانی گروهی نینگ ییریک اعضاسی بگرام قماقخانهسیدن قوییب یوباریلگن.
نمایندهلر کینگشی اعضاسی عارف رحمانی نینگ ایتیشیچه: «سیاسی ملاحظاتلر نظرده توتیلمهگن صورتده، حاضرگی شرایط ده انس حقانی نینگ قوییب یوباریلیشی افغانستان اوچون خطرلی دیر.»
جناب رحمانی نینگ کوپهیتیریشیچه، حقانی ترماغی و طالبان گروهیگه باج بیریش امنیتی و سیاسی نقطه نظردن افغانستان حکومتی و سیاسی نظامیگه زیان ییتیشتیرهدی.
عینحالده، آمریکا نینگ کابلدهگی ایلچیسی جان بس، انس حقانی نینگ قوییب یوباریلیشیدن حمایت قیلگن. اونینگ ایتیشیچه، آمریکا قوشمه ایالاتی طالبان ییریک اعضالریدن 3 تهسی نینگ قوییب یوباریلیشی خصوصیده جمهور رییس غنی نینگ حرکتیدن حمایت قیلهدی.
انس حقانی و حافظ رشید میلادی 2014- ییلده و انس حقانی نینگ تاغهسی حاجی مالی خان میلادی 2011- ییلده ملی خوفسیزلیک کوچلری تامانیدن قولگه آلینگن، بیراق اولر قولگه آلینگن ییرلر توغریسیده هیچ نرسه دییلمهگن.
افغانستان-آمریکا بیلیم یورتی نینگ استادلریدن 2 تهسی آسترالیا فقراسی بولگن تیموتی ویکس و آمریکا فقراسی بولگن کیون کینگ میلادی 2016- ییل، 8- اگست ده طالبان تامانیدن اوغیرلنیشگن.
آمریکا جمهور رئیسی دونالد ترامپ نیچه وقت آلدین پاکستان باش وزیری عمران خان بیلن اوتکزگن صحبتیده اوندن افغانستان-آمریکا بیلیم یورتی نینگ اوغیرلنگن ایکی استادی قوییب یوباریلیشی توغریسیده یاردم بیریشینی سورهدی و عمران خان هم دونالد ترامپ گه تیزلیککه یخشی خبر ایشیتیشی توغریسیده سوز بیرگن ایدی.
