کنر حاکمی سوزلاوچیسی غنی مصمم نینگ ایتیشیچه، مذکور ولایتده افغانستان و پاکستان حربیلری آرسیده یوزبیرگن آتیشمهده، 3 کیشی هلاک و باشقه 4 تینچاهالی یرهلنگن.
جناب مصمم گه کوره، اوتگن کون (5- عقرب یکشنبه) توشدن کیین کنر ولایتی ناری تومنی نینگ «دوکلام» منطقهسیده پاکستان حربیلری بو منطقهده پوسته قوریش اوچون حرکت قیلگن بیرچاغده، افغانستان و پاکستان چیگرهچیلری آرهسیده آتیشمه باشلنگن.
کنر حاکمی سوزلاوچیسی گه کوره، مذکور آتیشمه اوتگن کیچه بیر نیچه ساعت توختلدی، بیراق بوگون ایرتهلب قیتهدن باشلنگن.
شونینگدیک ناری تومنی یشاوچیلریدن قطاری نینگ ایتیشیچه، اوشبو تومنده حاضرگه قدر اوروش دوام ایتیب کیلماقده.
کنر ولایتی کینگش اعضاسی ملک شیرزمین نینگ ایتیشیچه، پاکستان حربیلری تامانیدن آتیلگن راکتلردن کوپینچهسی تینچاهالی اویی گه اصابت قیلگن.
کنر محلی رسمیلری بو تومنده یاردمچی کوچلر یوباریلگنیدن خبر بیرگن. کنر خوفسیزلیک مسئوللری حاضرگچه بو توغریده فکر بیلدیرمهگن.
شو توغریده:
