جوزجان یشاوچیلریدن بیرقطاری نینگ ایتیشیچه، ایکی کوندن بویان مذکور ولایتده 4 خصوصی مخابراتی ترماق نینگ فعالیتی بوتونلهی کیسیلگن.
مذکور ولایتده حاضر یالغیز سلام مخابراتی ترماغی ایش بیرهدی.
جوزجان ولایتیده بیر آی جریانیده خصوصی مخابراتی ترماقلرنینگ فعالیتی یالغیز کیچه تاماندن کیسیلردی.
جوزجان یشاوچیلری نینگ ایتیشیچه، اوشبو ولایتده مخابراتی ترماقلرنینگ فعالیتی کیسیلیشی یشاوچیلرنی کوپینچه قیینچیلیککه روپهره قیلگن.
جوزجان مدنی فعاللری نینگ ایتیشیچه، طالبان گروهی مخابراتی ترماقلرنی آگاهلنتیریب، فعالیتلری توختهتیلمهگن صورتده، آنتنلری و دفترلری اوت بیریلیشینی بیلدیرگن.
جوزجان یشاوچیلری، ولایتلردن بیرقطاریده مخابراتی ترماقلرنینگ فعالیتی کیسیلیشینی جمهورلیک ریاست سیلاوی گه نسبت بیریب و اونی سیاسی بیر اویین دییشهدی.
جوزجان ولایتی بوییچه مخابرات باشلیغی محمدنسیم بلیغ نینگ ایتیشیچه، بو ولایتده تورت خصوصی مخابراتی ترماق نینگ فعالیتی طالبان نینگ تهدیدلری باعث، توختهتیلگن و بو ایش ایلدیزی جمهورلیک ریاست سیلاوی گه باغلیق بولهدی.
شونینگدیک، جوزجان ولایتی بوییچه مخابراتی ریاست باشلیغی، مخابراتی ترماقلرنینگ فعالیتی کیسیلیشینی سیاسی بیر اویین دییدی.
طالبان گروهی حاضرگهقدر بو توغریده فکر بیلدیرمهگن.
جوزجان ولایتی بوییچه مخابرات باشلیغی نینگ ایتیشیچه، بو موضوع نی مخابرات و معلومات وزیرلیگی نینگ مسؤوللری بیلن شریک قیلگن.
عین دمده، بادغیس، سمنگان، قندوز، تخار و سرپل ولایتلریده هم تورت خصوصی مخابراتی ترماق نینگ فعالیتی کیچه تاماندن کیسیلهدی.
شو توغریده…
بادغیس ده حاضرگهقدر مخابراتی ترماقلرنینگ فعالیتی کیچه تاماندن فعال بولمهگن
