بغلان ولایتیده قلین قار یاغگنی باعث، مذکور ولایتنینگ دوشی و تالهوبرفک تومنلرینی 20 دن آرتیق قیشلاغینینگ قتناو یوللری توسیلگن. قتناو یوللر توسیلگنی باعث، کمیده 800 چاروا تلف بولگن.
بغلان ولایت کینگشینی اعضاسی سمیعالدین ناظرنینگ ایتیشیچه، 20 کوندن بویان قتناو یوللر توسیلگن.
اونینگ آگاهلنتیریشیچه، قیشلاقلرنینگ قتناو یوللری تیزلیککه آچیلمهگن صورتده، باشقه 20 مینگدن آرتیق چاروا تلف بولیشی ممکن.
عین حالده، دوشی تومنی بوییچه رواجلنتیریش کینگشلر بیرلشمهسینی باشلیغی سید کمال نینگ ایتیشیچه، قیشلاقلرنینگ قتناو یوللری توسیلگنی سبب، یقینلریدن بیری هلاک بولگن.
اونگه کوره، قتناو یوللری توسیلگن قیشلاقلر تومن مرکزیدن 100 کیلومتردن آرتیق اوزاقدهلر.
شو توغریده…
- قار و ساووق؛ تخارلیک آوارهلر خیمهده تیریکچیلیک قیلهدیلر
قار یاغینگرچیلیگی باعث، کابل-دایکندی قتناو یولی باغلنگن
قار یاغینگرچیلیگی غور ولایتینینگ قتناو یوللری توسیلیشیگه سبب بولگن
کابل-بامیان قتناو یولی بوران و قتیق قار یاغیش باعث باغلندی
قار؛ بغلانده 3 مینگ عایله قمهلیب قالگن
عین حالده، بغلان ولایتی بوییچه طبیعی حادثهلرگه قرشی کورهش ریاست باشلیغی احمدنصیر کهزادنینگ ایتیشیچه، 8 دن آرتیق قیشلاقنینگ قتناو یوللری توسیلگن؛ بیراق حاضرگچه بو قیشلاقلرده هیچ بیر مصیبت یوز بیرمهگن.
ایتیلیشیچه، بغلان ولایتینینگ دوشی و تالهوبرفک تومنلریده قلین قار و قتیق یامغیر یاغگنی باعث، کمیده 8 مینگ عایلهنینگ یوللری توسیلگن و محل یشاوچیلری گه کوره، قتناو یوللر آچیلیشی اوچون حکومت حاضرگهقدر هیچ بیر ایش قیلمهگن.
