افغانستان تینچلیگی توغریسیده آمریکا و طالبان 9 آی صحبت اوتکزدی؛ بیراق بو سوزلشوولر خوفسیزلیک وضعیت گه ایجابی تأثیر قویمه‌ی و شونینگدیک حربیلر و تینچ‌اهالی تلفاتی کونسایین کوپه‌یدی.
یالغیز جاری هفته‌ده مملکت تورلی بولیم‌لریده 4 خودکش هجوم یوزبیردی، کیم مذکور هجوم‌لرده 67 کیشی هلاک و 159 کیشی یره‌لندی.
شونینگدیک، بوگون «پنج‌شنبه» زابل ولایتی‌نینگ ولایتی کسلخانه‌سی و ملی خوفسیزلیک ریاستی یقیین‌لیگیده بیر حادثه یوزبیردی. ایچکی ایشلر وزیرلیگی نینگ ایتیشیچه، بو هجوم‌ده 15 کیشی هلاک و باشقه 66 کیشی یره‌لنگن.
بیراق زابل حاکمی سوزلاوچیسی گل‌اسلام سیال نینگ ایتیشیچه، مذکور هجوم‌ده 20 کیشی هلاک و باشقه 90 کیشی یره‌لنگن کیم اولردن کوپینچه‌سی ولایتی کسلخانه پرستارلری دیر.
تن جراحتی کوتارگن کیشی‌لرگه قان بیریش اوچون زابل ولایتیده کیلگن قندهار یشاوچیلری نینگ ایتیشیچه، حادثه یره‌دارلری نینگ برچه‌سی تینچ اهالی دیر.
شو توغریده:
زابل؛ خودکش هجوم نتیجه‌سیده 14 کیشی هلاک و باشقه 60 کیشی یره‌لنگن دیر
کابل نینگ ریشخور منطقه‌سیده یوز بیرگن خودکش هجوم‌ده 4 حربی هلاک ایتیلگن
پروان‌ده سیلاوی ییغین یقین‌لیگیده یوزبیرگن پارتلش‌ده 26 کیشی هلاک بولگن
اوتگن کونی ننگرهار مرکزی جلال‌آباد شهریده برقی کیم‌لیک ترقته‌تیش مرکزیده یوز بیرگن خودکش هجوم‌ده، 4 کیشی هلاک و باشقه 13 کیشی یره‌لندی.
شونینگدیک، سه‌شنبه کونی کابل و پروان ولایت‌لریده یوز بیرگن ایکی امنیتی حادثه‌ده، 48 کیشی هلاک و باشقه 80 کیشی تن جراحتی کوتارگن.
ایچکی ایشلر وزیرلیگی نینگ اعلام قیلیشیچه، کابل شهری نینگ مکروریان منطقه‌سیده یوزبیرگن خودکش هجوم‌ده 22 کیشی هلاک و باشقه 38 کیشی یره‌لنگن.
عینی شاهدلردن بیری نینگ ایتیشیچه، پارتلش‌دن سونگ حادثه محلی‌ده کوپینچه جسدنی کورگن.
هجوملر کوپه‌یگنی خصوصیده ایچکی ایشلر وزیرلیگی‌نینگ فکرینی آلیش اوچون سعی و حرکت قیلدیک، بیراق موفق بولمه‌دیک.
شو توغریده:
