جوزجان-بلخ قتناو یولی شاهمیرزا منطقهسیده مملکت حربی کوچلری تامانیدن یولگه قوییلگن عملیات نتیجهسیده طالبان گروهی نینگ نیچه حربی پوستهسی و تاولمهچیلیک جایی یوق ایتیلیب و بو منطقه طالبان نینگ نظارتیدن چیقاریلگن.
سلاموطندارگه صحبت بیرگن جوزجان پولیس قومندانی عبدالواحد وجدان نینگ ایتیشیچه، بوگون ایرتهلب خانقاه تومنی شاهمیرزا منطقهسیده یولگه قوییلگن عملیاتده طالبان گروهی نینگ بیر مقدار پارتلاوچی مادهسی، حربی جهازلری و نیچه موترسایکلی نابود ایتیلگن.
اونگه کوره، منطقه اطرافیده آتیشمه دوامی باعث، طالبان گروهی نینگ تلفات رقمی حاضرگچه معلوم بولمهگن.
جوزجان پولیس قومندانی نینگ ایتیشیچه، طالبان نظارتیدن چیقاریلگن قسمتلرده اویلر آختریلیشی باشلنگن و شاهمیرزا منطقهسیده امنیتی کوچلر تامانیدن پوسته ایجاد ایتیلگن.
طالبان گروهی حاضرگچه بو توغریده هیچ نرسه دیمهگن.
جوزجان محلی مسؤوللریگه کوره، طالبان گروهی نینگ تاولمهچیلیک جایی نیچه آی آلدین خانقاه تومنی شاهمیرزا منطقهسیده ایجاد ایتیلگن ایکن و بو گروه هر کون 70 تیلری و 30 یوک تاشووچی موتردن 15 مینگ افغانی دن باشلب 30 مینگ افغانی گچه پول آلهدی ایکن.
شو توغریده…
یوک تَشیش ملی کونیدن نشانلش مراسمده تاولانچیلیکلردن خواطر بیلدیریلدی
