طالبان گروهی نینگ قطرده‌گی سیاسی دفتری سوزلاوچیسی سهیل شاهین نینگ ایتیشیچه، افغانستاندن چیت‌ایللیک کوچلرنینگ چیقیش خصوصیده بحث ایتیلگن و سوزلشوولرنینگ 7- دوریده اوشبو کوچلرنینگ چیقیش زمانی بیللی بوله‌دی.
جناب شاهین نینگ کوپه‌یتیریشیچه، افغانستان‌لیک‌لر اوز آره‌لریده مذاکره قیلیب دموکراتیک حکومت خصوصیده قرار قیله‌دی.
بیراق، سیاسی ایش بیلرمانلردن بیرقطاریگه کوره، طالبان گروهی پاکستان‌گه تیگیشلی دیر، انه‌شوسبب، ایرکین‌لیک‌که قرار قیله آلمه‌یدی.
سیاسی ایش بیلرمانلردن بیری محمودحیدری نینگ ایتیشیچه، پاکستان برابریده دنیا و منطقه مملکت‌لری نینگ فشارلری کوپه‌یگن صورتده، طالبان گروهی نینگ تینچلیک لایحه‌سیگه قوشیلیشی ممکن.
سیاسی ایش بیلرمانلردن باشقه بیری محمدحیدری نینگ ایتیشیچه، طالبان گروهی بیلن کیلیشوو صورت تاپگن بیرحالده هم افغانستانده دایمی تینچلیک تامین ایتیلمه‌یدی.
کیله‌جک هفته‌ده طالبان گروهی و آمریکا نماینده‌لری آره‌سیده بولگن تینچلیک سوزلشوولری نینگ 7- دورینی قطرده یولگه قوییلیشی ممکن. اوتگن کونی آمریکا تشقی ایشلر وزیری مایک پومپیو نینگ کابلده کیلیب ایتیشیچه، آمریکا و طالبان گروهی آره‌سیده نهایی کیلیشوو صورت تاپمه‌گن و قطار موضوع‌لر خصوصیده مذاکره نینگ دوامی بار.
