لینکن تعلیمات مرکزی، 20 عیال اوچون اورگتیش بیر برنامه یولگه قوییب اولرگه خبرچیلیک طریقه‌سی، گزارش قنده‌ی بیر شکلده تیارلنیشی، گزارش یازیش طریقه‌سی و خبر اَیتیش نی اورگته‌دی.
اوشبو برنامه اشتراکچی‌لری، جوزجان ولایتی بوییچه بونده‌ی اورگتیش برنامه‌لرنی جوده هم آز بیلیب و بو توغریده مسؤوللرنی دقت‌سیزلیک‌که عیب‌لیدی.
اولرنینگ ایتیشیچه، عیاللرنینگ آره‌سیده خبرچیلیک‌که قیزیقه‌دیگن‌لر کوپ دیر و عیاللر مسلکی ایش اورگنیشی اوچون بونده‌ی برنامه‌لر کوپراق یولگه قوییلیشی کیره‌ک.
خبرچیلیک اورگتیش برنامه اشتراکچی‌لریدن بیری مریه، بونده‌ی برنامه‌لر یولگه قوییلیشی‌نی جوده هم فایده‌لی بیلیب ایتیشیچه، خبرچیلیک موضوعلری توغریسیده تعلیمات کورگنیدن سونگ، خبرچیلیک ایشی گه کوپراق قیزیقه‌دی.
لینکن تعلیمات مرکزی مسؤولی عتیق‌الله یولچی، شونده‌ی برنامه‌لر یولگه قوییلیشی‌نی خبرچی عیاللر اوچون فایده‌لی بیلیب ایتیشیچه، عیاللر اوشبو مرکزده تعلیمات کوریب خبرچیلیک موضوعلرینی مسلکی شکلده اورگنه‌دیلر.
جوزجان ولایتی مسؤوللریگه کوره، اوشبو ولایتده اورگتیش برنامه‌لر یولگه قوییلیشی اوتگن ییل‌لرگه نسبتن کوپه‌یگن و خبرچیلیک تعلیماتی گه علاوه، عکاس‌لیک مسابقه‌لری یولگه قوییلیب عیال خبرچی‌لرگه خبری عکس آلیش فنی هم اورگه‌تیله‌دی.
