مذکور عیال اوتگن کون میمنه شهری نینگ آلتینچی ناحیه‌سیده ایری تامانیدن اولدیریلگن.
فاریاب پولیس قومندانلیگی سوزلاوچیسی عبدالکریم یورش نینگ ایتیشیچه، 23 یاشیده بولگن بادام گل میمنه شهری نینگ آلتینچی ناحیه‌سیده تورموش اورتاغی سخی محمد آرقه‌لی قتل ایتیلگن.
جناب یورش نینگ ایتیشیچه، بو عیال عایله‌وی زوروانلیک‌لر باعث، هلاک ایتیلگن.
فاریاب ولایتی بوییچه ساغلیق‌نی سقلش ریاستی نینگ عیاللر بولیمی حقوقی طب مسؤولی داکتر فرنگیس نینگ ایتیشیچه، مذکور عیال اوققه توتیلیب اولدیریلگن.
فاریاب ولایتیده انسان حقلری ایرکین کمیسیونی نینگ ولایتی دفتر باشلیغی ذبیح‌الله جواد نینگ ایتیشیچه، جاری ییل‌ده عیاللرگه قرشی 42 زوروانلیک قضیه رویخط‌گه آلینگن و بو جمله‌دن 10 قتل، خودکشلیک و اوققه توتیش بولگن و بو موضوع خواطرلی دیر.
