بوگون «سهشنبه» کابلده خوفسیز انترنت خلق ارا کونی قطار ادارهلر تامانیدن نشانلندی.
افغانستانده انترنتی جماعه اعضاسی زمریالی وفانینگ ایتیشیچه، افغانستان اهالیسینینگ آرهسیده بالهلر و یاشلر انترنتدن کوپلب زیان کورهدیلر و بالهلر انترنتدن فایدهلنیشده عایلهلر خوفسیز نرسهلردن فایدهلنیشلری کیرهک.
جناب وفاگه کوره، بالهلر خوفسیز انترنتدن فایدهلنیشده، هیچ قندهی توزوک برنامه یوق دیر.
جناب وفانینگ کوپهیتیریشیچه، خلافکار گروهلر خوفلی انترنتدن فایدهلنیب یاشلر و بالهلرنی آولهیدیلر و بو موضوع عایلهلرنی قیینچیلیککه دوچ قیلهدی.
عین حالده، معارف وزیرلیگینینگ معلومات و تکنالوژی بولیمی مسؤولی عرفانالله ساپینینگ ایتیشیچه، انترنت آرقهلی اورگهتیش و تربیهلش خذمتلرینی ارایه ایتیشده مذکور وزیرلیک ایریم برنامهلرنی قولگه آلگن.
جناب ساپی گه کوره، اولر بو برنامهدن فایدهلنیب، درس لایحهسینی مملکتنینگ اوزاق منطقهلریگه ییتکیزهدی.
رسمیلردن باشقه، نیچه بالهنینگ آتهسی بولگن مشتاق رهیننینگ ایتیشیچه، حاضرگی شرایطده یاشلر و بالهلردن کوپینچهسی انترنت آرقهلی ترورچی گروهلرگه قوشیلهدیلر.
جناب رهین گه کوره، بالهلر انترنتدن فایدهلنگن چاغیده، عایلهلر تامانیدن مدیریت بولیشلری کیرهک.
جناب رهیننینگ کوپهیتیریشیچه، بالهلر و یاشلرنینگ تیریکچیلیگی، توشونچهسی و ارادهسی اوستیگه سلبی تأثیر تشلهیدیگن برنامهلر آلدی عایلهلر تامانیدن آلینیشی لازم.
