افغانستانده رواجلنتیریش بودجه شفافیتی و عملگه آشیریلیشی قویی درجهده بولگن
بوگون «یکشنبه» کابلده خبری بیر ییغین اوتکزگن افغانستان شفافیتینی کوزهتووچی اداره باشلیغی سیداکرام افضلی نینگ ایتیشیچه، 23 مملکتده بودجه شفافیتی و رواجلنتیریلیشی توغریسیده افغانستان شفافیتینی کوزهتووچی اداره و خلق ارا بودجه همکارلیک ادارهسی تامانیدن اوتکزیلگن تدقیقات گه کوره، افغانستان رواجلنتیریش بودجهسی شفافیت و عملگه آشیریش نقطهی نظردن 5 بستهبندلیک آرهسیده اوچینچی اورینده توختهگن.
جناب افضلی گه کوره، افغانستان رواجلنتیریش بودجهسی عملگه آشیریش جریانیده 40-60% اوزگرهدی و بو موضوع غیرعادی بولیب و حکومت نینگ ایشلرینی سوراققه دوچ قیلهدی.
افغانستان شفافیتینی کوزهتووچی اداره باشلیغی نینگ ایتیشیچه، باشقه مملکتلرده رواجلنتیریش بودجه 4-5% کوپهییب و کم بولهدی و بو موضوع عادی دیر.
جناب افضلی نینگ کوپهیتیریشیچه، بودجه ده کیریتیلهدیگن اوزگریشدن اهالی خبردار بولیشی کیرهک، بیراق افغانستانده بوندهی بولمهیدی و بو موضوع بودجه ایشانچی کمهییشی گه سبب بولگن.
افغانستان شفافیتینی کوزهتووچی اداره باشلیغی نینگ ایتیشیچه، اوشبو تدقیقات طریقهسی اساسیده، بودجه بوزیلیشی 5 قسم دستهبندلیک بولگن:
20% دن آزراق
21% دن 40% گچه
41% دن 60% گچه
61% دن 80% گچه
80% دن یوقاری
افغانستان شفافیتینی کوزهتووچی تشکیلات اعضاسی ناصر تیموری نینگ ایتیشیچه، مالیه وزیرلیگی تامانیدن تیارلنگن 1397- مالی ییل رواجلنتیریش بودجهسی 93 میلیارد افغانی ایدی، بیراق نمایندهلر کینگشی اونی 111 میلیارد افغانی گه کوپهیتیردی و مالی ییل اداغیگچه بو رقم 136 میلیارد گه ییتیشدی و بو ایش رواجلنتیریش بودجه 32% اوزگرگنینی کورستهدی.
عین حالده، اوشبو ییغینده افغانستان بوییچه عیاللر ترماغی اعضاسی روشن سیرن نینگ ایتیشیچه، افغانستان جمعیتینی یریمی عیاللردن تشکیل تاپگن؛ بیراق اولرنینگ ایستکلری بودجه ده نظرگه آلینمهیدی.
خانم سیرن گه کوره، عیاللرنینگ ایستکلریگه دقت قیلینگن صورتده، بودجه ایشانچی کوپهییشی ممکن.
شوندهی بیرحالده، مالیه وزیرلیگی سوزلاوچیسی شمروزخان مسجدی، افغانستان شفافیتینی کوزهتووچی اداره تامانیدن اوتکزیلگن تدقیقات گزارشینی ناتوغری دییدی.
ایتیش کیرهک کیم، نمایندهلر کینگشی هر ییل ملی بودجه حجتینی تینگسیز بولگنی باعث رد قیلیب و اوزگریش کیریتیلگنیدن سونگ، قیتهدن تصدیقلیدی.
