کابل غربی دشت برچی منطقه‌سیده محمدعلی جناح کسلخانه‌سی خاص بیر مراسم‌ده جمهور رئیس نینگ ایکینچی اورین باسری سرور دانش آرقه‌لی آچیلدی.
اوشبو مراسم‌ده جمهور رئیس ایکینچی اورین باسری سرور دانش نینگ ایتیشیچه، شو کونلر شعاری برچه اوچون ساغلیک، عدالت و مکتب بولگن، بیراق بو شعار تطبیقاتی عمل ده جدی توسیقلرگه روپه‌ره بولگن و یشاوچیلرگه بوله‌دیگن ساغلیک خذمت‌لری تینگ ایمس دیر.
دانش، افغانستان و منطقه‌ده تینچلیک و برقرارلیک تأمین‌لنیشی توغریسیده قوشنی مملکت‌لر اینیقسه پاکستان رولینی اونملی دیب و پاکستاندن افغانستانده تینچلیک تأمین‌لنیشی خصوصیده جدی شکلده یادم بیریشی نی طلب قیلدی.
جمهور رئیس ایکینچی اورین باسری نینگ کوپه‌یتیریشیچه، ساغلیق‌نی سقلش وزیرلیگی نینگ اداری تشکیلاتیده بوتون قوم کادرلری و اجتماعی و مدنی گروهلرنی حضوری رعایت قیلینیشی لازم.
شونینگدیک، اوشبو مراسم ده ساغلیق‌نی سقلش وزیری فیروزالدین فیروزنینگ ایتیشیچه، بو کسلخانه‌ده عمومی شکلده ساغلیک خذمت‌لری ارایه ایتیلیشی گه علاوه عاجل جراحلیک و بویرک پیوندی عمل گه آشیریله‌دی.
ساغلیق‌نی سقلش وزیری نینگ کوپه‌یتیریشیچه، اولر اوشبو کسلخانه‌ده سرطان کسل‌لیگی دارولنیشی توغریسیده هم سعی و حرکت قیله‌دیلر.
شونینگدیک، اوشبو مراسم‌ده پاکستان پارلمانی ایشلری بوییچه وزیری علی‌محمد خان نینگ ایتیشیچه، مذکور کسلخانه آچیلیشی افغانستان و پاکستان یشاوچیلری آره‌سیده بیردملیک آدیمی سنله‌دی.
محمدعالی جناب کسلخانه‌سی اوتگن قویاش ییل‌نی سونگی کونلریده آچیلیشی خصوصیده قرار قیلینگن ایدی، بیراق اوشه زمانده ساغلیق‌نی سقلش وزیرلیگی، پاکستان بو کسلخانه‌نی مذکور وزیرلیک‌که تاپشیریش خصوصیده تیار بولمه‌گنینی ایتگن ایدی.
200 یاتاقلیک محمدعلی جناح کسلخانه‌سی نی تمل تاشی 10 ییل آلدین قوییلگن. بو کسلخانه 24 میلیون دالر خرجت کوتریب پاکستان نینگ مالی یاردمی بیلن قوریلگن.
شو توغریده…
پکتیا حوزه‌یی کسلخانه‌سیده عدلی طب یوق دیر
