بوگون "سهشنبه" کابل ده خبری ییغین اوزتکزگن قیشلاقلرنی قیتهقوریش وزیرلیگی مسووللرینینگ ایتیشیچه، اوشبو وزارت مملکت 5 ولایتیده شغل ایجاد قیلیش مقصد ده قیشلاق جمغرمه لریگه کمک قیلگن.
اوشبو همکارلیک ایتیلگن پولنینگ بیللی رقمی 102 میلیون افغانی دیر. مذکور پول هرات، بامیان، ننگرهار، بلخ و پروان ولایت لرینینگ قیشلاق لریده، قیشلاق جمغرمه لریدن 337 تهسی گه بیریلگن
قیشلاقلرنی قیتهقوریش وزیری وزیری مجیبرحمان کریمینینگ ایتیشیچه، مذکور همکارلیک لردن مقصد اهالی گه دواملی ایش ایجاد قیلیش، قیشلاق لرده ایش ظرفیتلرینی یوقاری ایلتیش، قیشلاقی تولیداتلرنی کوچلی ایتیش و قیشلاقلر دهگی کیچکینه بازارلرنی شهر لرگه وصل قیلیش دیر.
جناب کریمی گه کوره، 4 مینگ 105 کیشی گه مستقیم و 12 کیشی گه غیر مستقیم صورت ده شغل ایجاد قیلینهدی.
قیشلاقلرنی قیتهقوریش وزیری گه کوره، مذکور لایحه گه عیاللرنینگ 65 فایز سهمی بار و کیلسی آیلرده بو لایحه مملکت بوتون ولایت لریده باشلنهدی.
بامیان ولایتیده تمدن جمغرمه سینینگ باشلیغی نظیفه فدایی که اوشبو همکارلیک لردن 230 منیگ افغانی قولگه کیلتیرگن. اونینگ ایتیشیچه قیشلاقلری بوندن آلدن کوپینچه قینچیلیکلر بیلن دوچ کیلگن ایدی و حاضرده اوشبو جمغرمه عیاللری مذکور پول بیلن فعالیتلرینی کینگیتیره آلهدی.
قیشلاقلرنی قیتهقوریش وزیرلیگی، حاضرگهقدر قیشلاقلرگه اوشبو برنامه آرقهلی 469 قرضهی جمغرمه ایجاد قیلیب و مذکور جمغرمه لرگه 248 میلیون افغانی همکارلیک قیلگن.
قیشلاقلرنی قیتهقوریش وزیرلیگینینگ رسمی لریگه کوره، اولر اوشبو لایحه آرقهلی قیشلاقلرده بولگن 7390 عیال و ایرکک که مستقیم و 22 مینگ کیشیگه غیر مستقیم شغل ایجاد قیلگن.
