ایچکی ایشلر وزیرلیگی سوزلاوچیسی نصرت رحیمی نینگ ایتیشیچه، بوگون توش ساعت 12 اطرافیده مخابرات و معلومات وزیرلیگی نینگ یقینیده پارتلش یوز بیردی و پارتلش یوز بیرگنیدن سونگ، قوراللی هجومچی‌لر مخابرات وزیرلیگی گه کیرگن.
اونگه کوره، امنیتی کوچلر منطقه‌نی قمراوگه آلگن و محل ده آتیشمه دوام ایتماقده.
اونینگ کوپه‌یتیریشیچه، هجوم قیلگن‌لر 3 کیشی ایکن و اولردن 2 ته‌سی امنیتی کوچلر بیلن قیلگن آتیشمه‌ده هلاک ایتیلگن و باشقه 1 ته‌سی حاضرگه‌قدر امنیتی کوچلرنینگ برابریده مقاومت قیله‌دی.
ایچکی ایشلر وزیرلیگی سوزلاوچیسی نینگ ایتیشیچه، بنا بوشه‌تیش باشلنگن و مذکور وزیرلیک نینگ ایشلاوچی‌لرینی جانی سقله‌نیشی اوچون عملیات تیزلیک‌که ایلگری آلیب باریلمه‌یدی.
اوشبو هجوم مسؤولیتی نی حاضرگچه هیچ بیر گروه یا-ده کیشی بوینیگه آلمه‌گن.
شو توغریده…
کابل‌ده ایکی خودکش هجومچی قول‌گه آلیندی
