افغانستان قیته قوریلیشی اوچون امریکانینگ خاص تیکشیرووچی دفتری یا-ده سیگار، مخدره مادهگه قرشی کورهش خصوصیده آمریکا برنامهلرینی ناکام بولگنیدن گزارش بیرگن.
افغانستان قیته قوریلیشی اوچون امریکانینگ خاص تیکشیرووچیسی جان ساپکو نی آمریکا بویوکلر کینگشینینگ خوفسیزلیک کمیتهسی ییغینیده ایتیشیچه، کوکنارنی نابود قیلیش اوچون آمریکا برنامهلری تاثیرلی ایمس ایکن.
جناب ساپکونینگ ایتیشیچه، اوتگن ییلده قوروقچیلیک باعث، تریاک ایشلب چیقاریش کمهیگن.
اونینگ کوپهیتیریشیچه، افغانستانده مخدره مادهگه قرشی کورهش برنامه باشلنگندن حاضرگهقدر 9 میلیارد دالر صرفلنگن.
افغانستان حکومتی و بیرلشگن ملتلر تشکیلاتینینگ مخدره مادهلرگه قرشی کورهش دفترینینگ اوتگن ییل ترقهتگن گزارشیگه کوره، افغانستانده مخدره مادهلرنی ایشلب چیقاریلیشی 29% کمهیگن.
اوشبو ایکی اداره نینگ قوشمه گزارشیده کوپهیتیریلیشیچه، 2018- ییلده افغانستانده ایشلب چیقاریلگن مخدره ماده 6400 تُن تخمینلنگن و اوشبو رقم 2017- ییلده 9 مینگ تُن ایدی.
اوشبو گزارش اوتگن ییل 28 عقربگه ترقهتیلگن ایدی و بو گزارشگه کوره، مخدره مادهلر ایکیلهدیگن ییر 328 مینگ هکتاردن 263 مینگ هکتارگه کمهیگن.
شوتوغریده…
