بوگون «چهارشنبه» کابل‌ده مملکت عالم‌لری بیلن ییغین اوتکزگن افغانستان اسلامی حزب رهبری گلبدین حکمتیارنینگ ایتیشیچه، مملکت مسجدلری اوستیگه بوله‌دیگن هجوملر و دین عالم‌لری نینگ تروری سکولارلر تامانیدن عمل‌گه آشیریله‌دی.
اسلامی حزب رهبری گه کوره، افغانستانده دین عالم‌لری هرکون سوءقصد قیلینه‌دی؛ بیراق حاضرگچه هیچ بیر کمونیست و سکولار ترور بولمه‌گن.
حکمتیارنینگ ایتیشیچه، دین عالم‌لری قورال آلیب یوریش گه رخصت‌لری بولگن پولیس کییمی نی کییگن کیشی‌لر تامانیدن ترور قیلینه‌دی و او، مملکت دین عالم‌لریدن بیرلشمه‌لرینی سوره‌دی.
اسلامی حزب رهبری گه کوره، حکومت رسمی‌لری‌نینگ قیسی دین و مذهب گه ایشانیشلری معلوم ایمس دیر و شونینگدیک، سکولارلری دین، مذهب، قانون و اخلاققه ایشانمه‌یدیلر و حلال و حرام گه فرق بیرمه‌یدی.
امرالله صالح نینگ پولیس آتیش گه حقلی دیگن فیسبوکی پستی گه عکس‌العمل بیلدیرگن حکمتیارنینگ ایتیشیچه، قانون پولیس گه یشاوچیلرنی آتیش اوچون قورال بیرمه‌گن.
افغانستان اسلامی حزب رهبری نینگ سوراقلی شکلده تأکیدقیلیشیچه، حکومت رسمی‌لری، مسؤوللری و امنیتی اداره‌لر آچیق شکلده پولیس گه یشاوچیلرنی آتیش گه رخصت بیرسه و بولر سِرلی شکلده قنده‌ی بویروغلر بیره‌دیلر؟
عین حالده، یازووچی‌لردن بیری حبیب حمیدزاده نینگ ایتیشیچه، مملکت و منطقه ده سکولارلر تامانیدن خودکش و پارتلش هجوملر یوز بیرمه‌گن و افغانستان سکولارلریدن کوپینچه‌سی فکری فعالیت‌لر و یازووچیلیک بیلن شغللنه‌دیلر.
حمیدزاده نینگ ایتیشیچه، حکمتیارنینگ بونده‌ی بیاناتی اوزی‌نینگ انزوا دن چیقاریش و طالبان بیلن هم فکر بولیشینی کورسته‌دی.
اونینگ کوپه‌یتیریشیچه، اسلامی حزب رهبری گه نسبتن یشاوچیلرنینگ دقت‌سیزلیگی، نماینده‌لر کینگشی نینگ سیلاویده یوتوققه ایریشه آلمه‌گنی و یامانلیک سابقه‌دارلیگی باعث، او شهرت قازانیش و بنیادگرا کیشی‌لرنی توپلش اوچون بونده‌ی بیانات بیرگن.
