اجرایی ریاستی باشلیغی و برقرارلیک و یقینلیک سیلاو تیمی رهبری عبدالله عبدالله نینگ ایتیشیچه، اشرف غنی جمهورلیک ریاستی سیلاوی گه ساختهکارلیک قیلیش اوچون سعی و حرکت قیلهدی.
بوگون «چهارشنبه» جوزجان مرکزی شبرغان شهریده جمهورلیک ریاستی سیلاوی نینگ مذکور کاندیدی، اوشبو ولایت یشاوچیلری و ملی جنبش حزبی طرفدارلری آرهسیده نطق سوزلب ایتیشیچه، دولت قوروچی تیمی گه جمهورلیک ریاستی سیلاوی گه ساختهکارلیک قیلیش اوچون رخصت بیرمهیدی.
جناب عبدالله گه کوره، افغانستان اهالیسی اوتگن 5 ییلده هیچ بیر ایش قیلمهی و نهایتده اوز بیرلیشکلری گه خیانت قیلگن کیشیلرنینگ سوزی گه آلدنمهیدیلر.
جمهورلیک ریاستی بیرینچی اورین باسری و اسلامی ملی جنبش رهبری عبدالرشید دوستم نینگ ایتیشیچه، افغانستان بوتون اهالیسی نینگ ایشانچی نی قولگه کیلتیرگن برقرارلیک و یقیینلیک سیلاوی تیمی سیلاو گه غالب چیقهدی.
جناب دوستم گه کوره، اشرف غنی رهبرلیگیده دولت قوروچی سیلاو تیمی اهالینی آلدهتیش گه دوام بیره آلمهیدی.
امنیت و عدالت سیلاو تیمی رهبری رحمتالله نبیل نینگ ایتیشیچه، ملی بیرلیک حکومتی رهبرلری سیلاونی قومی توزهتیش اوچون سعی و حرکت قیلهدی و شونینگدیک، سیلاوگه قرشی قیینچیلیک یرهتیشنی ایستهیدی.
جمهورلیک ریاستی سیلاوی نینگ اوشبو نامزدی نینگ ایتیشیچه، محمداشرف غنی و عبدالله عبدالله اهالینی الدهتیش بیلن ناکاملیگی و ایشسیزلیکلرینی سمتی و قومی تامان آلیب باریش اوچون سعی و حرکت قیلهدیلر.
جمهورلیک ریاستی نامزدلریدن باشقه بیری گلبدین حکمتیار نینگ هرات ولایتیده طرفدارلری آرهسیده ایتیشیچه، مملکتده موجود بولگن قیینچیلیکلردن چیقیش اوچون جمهورلیک ریاستی سیلاوینی یولگه قوییلیشی اساسی یول دیر، بیراق سیلاوده تینیقلیک تضمین ایتیلمهگن صورتده، اوشبو سیلاو نینگ یولگه قویلیشیگه توسیق بولیشی اوچون سعی و حرکت قیلهدی.
جمهورلیک ریاستی سیلاوی نینگ جاری ییل 6 میزانده یولگه قویلیشی ممکن، بیراق مذکور سیلاوده کینگ شکلده ساختهکارلیک صورت تاپیشی سیلاو برابریده بولگن اساسی قیینچیلیکلردن دیر.
