آیخال «مستعار» 24 یاشیدن بولگن جوزجانلیک عیال نینگ ایتیشیچه، ایری نینگ ایناغهسی اونینگ زوردن مخدره ماده گه چالینتیرگن و اوندن سونگ، بالهلریگه نان و سوو تاپیش اوچون مخدره ماده ساتیش گه تعیین قیلگن.
سلاموطندارگه صحبت بیرگن جوزجان یشاوچیلریدن بیرقطاری، مذکور ولایتده کونساین مخدره ماده ساتووچیلری و بنگیلر کوپهییشینی تصدیقلیدی.
اولرگه کوره، اوشبو ولایتده مخدره ماده ساتیش اوچون عیاللر و بالهلردن فایدهلنیش مخدره ماده ساتووچیلرینینگ ینگی طریقهسی بولگن.
اولرنینگ ایتیشیچه، بنگیلر دکاندارلرنینگ نرسهلری و نماز اوقووچیلرنینگ کفشلرینی اوغیرلیدیلر.
جوزجان یشاوچیلریگه کوره، حکومت ایستهگن صورتده، مخدره ماده ساتووچیلرنینگ آلدینی آله آلهدی.
شونینگدیک، جوزجان بنگیلری مخدره ماده نی بالهلر و عیاللردن 50 دن 250 افغانی نقد پول گه قولگه کیریتیشلرینی تصدیقلیدیلر.
شو توغریده…
دایکندی؛ مخدره ماده گه چالینگن کیشی 11 یاشر قیزی نی ساتدی
بامیان ولایتیده مخدره مادهگه چالینگن بیر عایله قیزینی ساتگن
بامیان قیشلاقلریدن بیرقطارینینگ 95% جمعیتی مخدره ماده گه چالینگن
بنگیلر: بغلان بنگیلریگه حکومت رسمیلری و زورهوانلر مخدره ماده ترقتهدی
عین حالده، جوزجان پولیس قومندانلیگینی خوفسیزلیک آمری کمالالدین یاور، اوشبو ولایتده عیاللر تامانیدن مخدره ماده ساتیلیشینی رد قیلیب و بو ایش عامللری جزالنیشی اوستیگه تأکید قیلهدیلر.
اونینگ کوپهیتیریشیچه، بو ولایتده مخدره ماده قاچاقچیلریدن بیرقطاری قولگه آلینگن.
ایشانچلی بیر منبع گه کوره، درزاب بندری سرایی ده 100-150 بنگی مرکز و تومنلردن توپلنگن و اولرنینگ بیر کیچه-کوندوزلیک مخدره مادهسینی پولی 150 دن 600 افغانی بولهدی.
اوشبو منبع نینگ ایتیشیچه، بنگیلر مخدره ماده پولینی اوغیرچیلیک و چیقیندی تیمیرلرنی توپلش یوللریدن قولگه کیریتهدیلر و درزاب بندری نینگ سرایی قیمت بها نرسهلرنی قاره بازاری گه شهرت قازانگن.
