غور ولایتینینگ یانغین اوچیرووچی ادارهسیده یانغین اوچیرووچی بیر تانکر موجود. اوشبو ولایت یشاوچیلرینینگ ایتیشیچه، یانغین یوز بیرگن صورتده، برچه نرسه اوتگه یانیب کیتگنیدن سونگ، یانغین اوچیرووچی ملازملر ییتیشیب کیلهدیلر.غور ولایت کینگشی اعضاسی عبدالحمید ناطقینینگ ایتیشیچه، یانغین اوچیرووچی ادارهنینگ فعالیتی ییترلی ایمس دیر.
غور پولیس قوماندانلیگی سوزلاوچیسی محمد اقبال نظامی یانغین اوچیرووچی اداره ده ییترلیچه امکانیت یوقلیگینی تصدیقلب ایتیشیچه، مذکور اداره ده یانغین اوچیرهدیگن اوچ تانکر موجود و اولردن 2 تهسی ایشدن چیققن.
جناب نظامینینگ ایتیشیچه، بو قیینچلیکنی نیچه مرته مرکزی حکومت رسمیلری بیلن شریک قیلگنلر، بیراق حاضرگهقدر بو خصوصده دقت قیلینمهگن.
اوتگن ییل جدی آیی غور ولایتیده ایکی محلی رادیو ناتانیش قوراللی کشیلر تامانیدن اوتگه یاندیریلدی و یانغین اوچیرووچی تانکر بولمهگنی باعث، مذکور ایکی رادیونینگ برچه امکانیتی اوتگه یانیب کیتدی.
