افغانستان تینچلیک لایحهسی بوییچه آمریکانینگ خاص نمایندهسی، تینچلیک جریانینی قولَی و هموار ایمس دییدی.
افغانستانستان تینچلیک لایحهسی بوییچه آمریکانینگ خاص نمایندهسی زلمی خلیلزاد، اوتگن کون کیچ قورون واشینگتن ده افغانستان ایلچیسی رویا رحمانی بیلن اوچرهشدی.
جناب خلیلزادنینگ اوز توییتر صحیفهسیده یازیشیچه، خانم رحمانی بیلن بولگن بیرینچی اوچرهشوویده افغانستان تینچلیک سوزلشوولرینی سونگی باسقیچلری توغریسیده صحبت قیلگن.
افغانستان تینچلیک لایحهسی بوییچه آمریکانینگ خاص نمایندهسی توییتی ده یازیشیچه، «بیزلر قدم قویگن تینچلیک سوزلشوولر جریانی نه قولَی دیر و نه هموار.»
جناب خلیلزادنینگ ایتیشیچه، آمریکا و افغانستان توغری یولنی تنلش اوچون بیرگه قدم قویهدیلر.
افغانستان تینچلیک لایحهسی بوییچه آمریکانینگ خاص نمایندهسی، اوتگن کون هم واشینگتن ده پاکستان و بریتانیا ایلچیلری بیلن اوچرهشیب و بو اوچرهشووده «منطقهیی یا-ده جهانی» توشونچه توغریسیده صحبت قیلگن ایدیلر.
عین حالده، بوگون افغانستان بوییچه روسیه نینگ نمایندهسی ضمیر کابلوف، واشینگتن گه باریشی خصوصیده قرار قیلینگن.
شو توغریده…
واشینگتن ده زلمی خلیلزاد پاکستان و بریتانیا ایلچیلری اوچرهشدی
جناب کابلوف نینگ اعلان قیلیشیچه، بو سفرده زلمی خلیلزاد بیلن بیرگه افغانستان وضعیتی نی تیکشیریش اوچون قوشمه بیر مصلحتی ییغین یولگه قوییش گه قرار قیلینگن.
افغانستان بوییچه روسیه نمایندهسی نینگ ایتیشیچه، امریکا قوشمه ایالتلریدن دوحه ییغینی توغریسیده بولگن برچه معلومات نی او بیلن شریک قیلیشینی کوتهدی.
بوندن آلدین، ضمیر کابلوف نینگ دوحه ده آمریکا و طالبان نمایندهلری آرهسیده اوتکزیلگن بیشینچی ییغین توغریسیده ایتیشیچه، طالبان گروهی بیلن علاقه قوریش اوچون حاضرگهقدر هیچ بیر قرار یا-ده خاص بیر برنامه قولگه آلمهگن.
قطرنینگ دوحه شهریده آمریکا و طالبان گروهی نینگ نمایندهلری آرهسیده اوتکزیلگن افغانستان تینچلیک سوزلشوولرینی بیشینچی دور ییغینی 16 کوندن سونگ یکونلندی.
بو سوزلشوولرده ایکی تامان عصیانچیلرگه قرشی کورهش و افغانستاندن آمریکا کوچلری چیقیشی اوستیگه کیلیشگنلر.
