افغانستان جمهور رئیسی محمداشرف غنی نینگ ملی خوفسیزلیک کینگشی مصلحتچیسی حمدالله محب نینگ بیاناتی دن بیر کون اوتکنیدن سونگ، آمریکا جمهور رئیسی دونالد ترامپ، سِرلی بیر امنیتی ییغین اوتکزدی.
آسوشیتدپرس خبری آژانسی نینگ گزارشی گه کوره، اوشبو امنیتی ییغینیده آمریکا جمهور رئیسی نینگ اورین باسری مایک پنس، تشقی ایشلر وزیری مایک پمپئو، حربی کوچلر باشلیغی جنرال جوزف دانفورد، آمریکا استخباراتی تشکیلاتی نینگ باشلیغی جینا هسپل و آمریکا جمهور رئیسی نینگ ملی خوفسیزلیک کینگشی مصلحتچیسی جان بولتون اشتراک قیلگن‌لر.
آق سرایدن آتی سِر قالیشینی ایسته‌گن ایشانچ‌لی بیر منبع نینگ اسوشتیدپرس خبری آژانسی گه ایتیشیچه، بو ییغین افغانستان تینچلیک لایحه‌سی بوییچه آمریکا تشقی ایشلر وزیرلیگینی خاص نماینده‌سی زلمی خلیلزاد نینگ توغریسیده افغانستان ملی خوفسیزلیک کینگشی مصلحتچیسی حمدالله محب نینگ سونگی بیاناتی خصوصیده یولگه قوییلگن.
منبع آرتیقچه معلومات بیریش دن وازکیچگن؛ بیراق ایتیشیچه، بو ییغین پنتاگون مقریده بولگن یاشیرین بیر اتاق ده اوتکزیلگن.
ایکی کون آلدین واشینگتن ده قطار خبرچی‌لرنینگ حضوریده افغانستان جمهور رئیسی محمداشرف غنی نینگ ملی خوفسیزلیک مصلحتچیسی حمدالله محب نینگ ایتیشیچه، زلمی خلیلزاد طالبان گروهی بیلن اوتکزگن مذاکره‌لریده افغانستان حکومتینی قوشمه‌ی شخصی منفعت قولگه کیریتیش و اوز ریاستی گه وقتینچه‌لیک حکومت ایجاد قیلیشنی ایسته‌یدی.
اونینگ بو بیاناتی آمریکا تشقی ایشلر وزیرلیگی نینگ جدی عکس‌العملی گه روپه‌ره بولدی و بو وزیرلیک افغانستان ملی خوفسیزلیک مصلحتچیسینی احضار قیلیب ایتیشیچه، خلیلزادگه قرشی هجوم آمریکا تشقی ایشلر وزیرلیگی گه قرشی هجوم سنله‌دی.
شو توغریده…
