غور یشاوچیلریدن قطاری 416 جریب ییرلرینی مکتب قوریلیشی اوچون اوشبو ولایت نینگ معارف ریاستی اختیاری گه قویگنلر.
غور معارف ریاستی مسئوللری اهالی نینگ اوشبو اقدامی نی تقدیرلب ایتیشلریچه، مذکور ییرلر مکتبلرنینگ ییرلری توغریسیده بولگن قیینچلیکلرنی حل قیلهدی.
سلاموطندارگه صحبت بیرگن غور معارفی باشلیغی احمد صابر نوری نینگ ایتیشیچه، 416 جریب ییر مکتب قوریلیشی اوچون اَجرهتیلگن و اهالی نینگ اوشبو اقدامی تعلیم و تربیهلنیش یخشی بولیشی اوستیگه ایجابی تأثیر قویهدی.
غور معارفی باشلیغی گه کوره، غور ولایتیده 826 مکتب موجود و بولردن 200 تهسینی بناسی یوق و اوقوچیلر خیمهلر آستیده تعلیمات کورهدیلر.
غور حاکمی سوزلاوچیسی عبدالحی خطیبی یشاوچیلرنینگ قیلگن اقداملریدن خرسندلیک بیلدیریب ایتیشیچه، اهالی تامانیدن بیریلگن ییرلرده کیلهجک 5 ییل گیچه اهالی شرطنامهسی آرقلی 200 مکتب قوریلیشی ممکن.
شونینگدیک، بوندن آلدین قطار باشقه ولایتلر یشاوچیلری ییرلرینی مکتب قوریلیشی اوچون اَجرهتگن ایدیلر.
غور معارف ریاستی مسئولری، اهالی تامانیدن مکتب قوریلیشی اوچون بیریلگن ییرلرنینگ 47 میلیون ارزشی بار دیدی.
شو توغریده:
