.jpg)
اجراییه ریاستی سوزلاوچیسینینگ اورین باسری جاوید فیصلنینگ ایتیشیچه، اجراییه باشلیغی عبداللهعبدالله و جمهور رییسنینگ ایکینچی اورین باسری سرور دانش، برقی کیملیک ترقهتیش ادراهسی رسمیلری بیلن اوچرهشیب بو بارهده گپیرگنلر.
فیصلگه کوره، برقی کیملیک ترقهتیش ایشی تیزلیکده باشلنهدی و اونینگ سیناولی ایشی ایسه 6 آی دوام ایتیشی ممکن.
فیصل، بو سیناولی 6 آیلیک ایشنینگ بیرینچی ایکّی آییده، باشکینتده 5 مرکز آچیلهدی دیگن. اوشبو 5 مرکز وزیرلیکلرده فعالیت قیلیشی ممکن دیگن جناب فیصل.
جاوید فیصلنینگ کوپهیتیریشیچه، اوشبو باسقیچ سونگی آیلریده مرکزلر سانی کوپهیشی ممکن.
برقی کیملیک ترقهتیلیش مسلهسی جمهور رییس و اجراییه باشلیغی اورتهسیدهگی مهم موضوعلردن سنهلَردی، بیراق ملی بیرلیک حکومتی عمریدن 3 ییل اوتیشی و برقی کیملیککه قوملر آتی سیغدیریلیش جنجللری سبب، حاضرگه قدر برقی کیملیک ترقهتیش لایحهسی باشلنمهی قالدی.
