.jpg)
بغلان ولایتیده کسلخانه مسؤوللرینینگ ایتیشیچه، پلخمری کسلخانهسیده بستر کملیگی سبب، اوتگن ایکی آیده قیزیلچه کسلیگه چالینگن اوچ باله جان بیرگن.
اوشبو کسلخانه داکترلرینینگ ایتیشیچه، پلخمرینینگ ولایتی کسلخانهسیده بالهلر اوچون یالغیز 35 یاتاقخانه موجود، بیراق بو بولیمده هر کون کمیده ایکی یوز باله دارولنهدی. بیر یاتاقده نیچه باله دارولنیشی سبب، واگیرلی کسللرنینگ مکروبلری باشقه بالهلرگه اوتهدی.
بغلان ولایتی کسلخانهسیده بالهلر بولیمی داکترلریدن بیری معراجالدین معراجنینگ سلاموطندارگه ایتیشیچه، اوشبو ولایتده قیزیلچه کسلی میزانی آشگنی سبب، نیچه باله توییب آوقتلنمسلیککه دوچار بولگن. قیزیلچه کسللری دارولنگن اتاقده اولر هم دارولنگنی سبب، قیزیلچه کسلیگه دوچار بولگنلر.
جناب معراجگه کوره، حاضر اوشبو کسلخانه مسؤوللری، قطار بالهلرنی اویلریده دارولشگه مجبور بولگن.
.jpg)
بغلان ولایتی کسلخانهسیدهگی داکترلرنی کوپهیتیریشیچه، اوشبو کسلخانهنینگ بالهلر یاتقیزیلهدیگن بولیمیدن 80 فایزی تیزیاردم کسللری اوچون اجرهتیلگن، بیراق کسل بالهلر میزانی آشگنی سبب، تیزیاردم کسللری اوچون هیچ یاتاقخانه قالمهگن.
بغلان کسلخانهسیده بالهلر اوچون بستر کملیگینی تن آلگن بغلان ساغلیقنی سقلش ریاستی اورین باسری عبدالعلیم غفارینینگ ایتیشیچه، بالهلر دارولنیشی اوچون عصری اسکونهلر بیلن جهازلنگن ینگی بیر بِنا قوریلگن و تیزلیکده فایدهلنیشگه تاپشیریلهدی.
بغلان ولایتی ساغلیقنی سقلش ریاستی مسؤوللرینینگ ایتیشیچه، قویاش 1395- ییلده بغلان ولایتینینگ خوستو فرنگ و مرکزی بغلان تومنلریده قیزیلچه کسلیگه چالینگن کوپینچه کسل رویخطگه آلینگن.
ایتیلیشیچه، مذکور ولایت یشاوچیلری، قشاقلیک و ناتینچلیکلر میزانی آشگنی سبب، بالهلرینی دارولش اوچون باشقه ولایتلرگه آلیب بارهآلمهیدیلر.
