افغانستان عالی اوقوو وزیرلیگی نیچه وقت آلدین بیلیم یورت‌لرنینگ درسی معلوماتی و اورگتیش طریقه‌سیده اوزگریش کیریتیشی خصوصیده سوز بیرگن ایدی؛ بیراق بو سوزلر حاضرگه‌قدر جدی شکلده عمل گه آشیریلمه‌گن.
کابل دولتی بیلیم یورت‌لری‌نینگ اوقووچی‌لری، درسی معلومات ایسکی بولگنیدن شکایت قیلیب ایتیشیچه، درسی معلومات ینگی‌لشتیریلمه‌گن.
ینگی‌لیک‌ده بیلیم یورت‌دن فارغ بولگن ایکینچیلیک فاکولته‌سینی اوقووچی‌لریدن بیری شایسته نینگ ایتیشیچه، بو بولیم گه کوپلب عملی فعالیت‌لر کیره‌ک؛ بیراق ایکینچیلیک فاکولته‌سی‌نینگ اوقووچی‌لری بیر ییل جریانیده یالغیز ایکی مرته عملی ایش اوچون ساحه گه باره‌دیلر.
او، اوقیگن بولیمی گه تیگیشلی یخشی ایش تاپیلمه‌سیدن خواطر بیلدیریب ایتیشیچه، اوقووچی، اوقیتووچی، اورگتیش توزومی و باشقه اوقیش گه تیگیشلی موضوعلر اوقووچی‌لرنینگ ترقیاتی خصوصیده تأثیرچن رول اوینه‌یدی و شو یوزه‌دن بیلیم یورت مسؤوللری و اوقووچی‌لر بو موضوعلرگه دقت قیلیش‌لری کیره‌ک.
عین حالده، انسانی بیلیم فاکولته‌لرینی اوقووچی‌لریدن بیرقطاری‌نینگ ایتیشیچه، ایسکی درسی معلومات‌لر بیلیم یورت‌لرنی بیکار بیر اداره گه اوزگرتیرگن.
اولرنینگ کوپه‌یتیریشیچه، درس طریقه‌سی و درسی معلومات ایسکی بولگنی باعث، اولر یالغیز اوقیتووچی‌لر تامانیدن بیریلگن معلومات نی ییترلی بیلیب و بیریلگن درس‌لرنی یاد قیله‌دیلر.
شونده‌ی بیرحالده، عالی اوقوو وزیرلیگی‌نی سوزلاوچیسی فیصل امین نینگ ایتیشیچه، عالی اوقوو وزیرلیگی‌نینگ ینگی ریجه‌سی شاگرد محورلیک توزومی اوستیگه تأکیدلیدی و بو موضوع اوقووچی‌لرنی تورلی موضوعلر خصوصیده تدقیقات قیلیش گه مجبورلیدی.
امین نینگ کوپه‌یتیریشیچه، ینگی ریجه ده بیلیم یورت‌لر اوقیتووچی‌لر و اوقووچی‌لرنینگ فعالیتی‌نی نتیجه یا-ده اولرنینگ یوتوقلری اساسیده نظرگه آله‌دی و نتیجه‌سی اوقیتووچی‌لر، اوقووچی‌لر و ایش بازاری اختیاریده قوییله‌دی.
اونگه کوره، بو معیار اساسیده، اوقیتووچی‌لر و اوقووچی‌لر تورلی موضوعلرنی توغریسیده مطالعه قیلیب، تدقیقات اوتکزیب و تحلیل قیلیب یخشی نتیجه گه ایریشه‌دیلر.
عالی اوقوو وزیرلیگی شاگرد محورلیک و بیلیم یورتلرده اورگتیش طریقه‌سی اوستیگه تأکیدلیدی؛ بیراق اوقووچی‌لردن بیرقطاری، فراغت دن سونگ ایش‌سیز قالیش‌لری توغریسیده خواطرلنه‌دیلر.
کابل بیلیم یورتی‌ده خبرچیلیک فاکولته‌سینی اوقووچی‌لریدن بیری صفی‌الله مومندنینگ ایتیشیچه، فراغت دن سونگ، ایش تاپیش شانسی اولر اوچون جوده هم آز دیر؛ چونکه ایش گه کیره‌دیگن کیشی‌لر واسطه‌لی و قدرتلی دیر.
عین حالده، اداری اصلاحات ایرکین کمیسیونی باشلیغی نادر نادری‌نینگ ایتیشیچه، اولر مذکور کمیسیون آرقه‌لی هر بیر ظرفیت‌لی کیشی‌نینگ ملکی خذمت‌لر تشکیلاتی گه شامل قیلیش‌لری خصوصیده سوز بیره‌دی.
نادری‌نینگ کوپه‌یتیریشیچه، بوندن سونگ هر بیر کیشی ایش تاپیش اوچون قیلگن زحمتی و اوز ظرفیتی‌دن فایده‌لنه‌دی.
شو توغریده…
مملکت بیلیم یورت‌لری‌نینگ اوقیتووچیلری کیله‌جک ایکی ییل‌گچه ماستر بوله‌دیلر
افغانستان بیلیم یورتلریده ایسکی درسلیک‌لر تجارتی
بیلیم یورت‌لر بیرلشمه‌سی: عالی تحصیلات قانونی قیته کوریلیش‌گه احتیاج بار
اجراییه باشلیغی: حزب‌التحریر مملکت بیلیم یورتلریده کینگ شکلده نفوذ قیلگن
زهرا خاوری؛ بیلیم یورت‌لرفاسد سیستمه‌سی‌نینگ قربانی
او، بوتون اوقووچی‌لردن ملکی خذمت‌لر تشکیلاتی‌نی تولدیریش اوچون مهارت و ظرفیت‌لرینی یوقاری قیلیش‌لرینی ایسته‌گن.
نادری، ایش تاپیش اوچون اوقووچی‌لرنینگ مهارتی و زحمت چیکیش‌لری اوستیگه تأکید قیلگن بیرچاغده، بیلیم یورت دن ینگی فارغ بولگن شایسته نینگ ایتیشیچه، اوقووچی‌لردن بیرقطاری، زمانوی بیلیم اورگه‌نیش اوچون سعی و حرکت قیلمه‌یدیلر و اوقیتووچی‌لر تامانیدن مطالعه قیناغی بیللی قیلینیشی‌نی کوته‌دیلر.
عالی اوقوو وزیرلیگی تامانیدن بیریلگن رقم‌لرگه کوره، حاضر 180 مینگ اوقووچی دولتی بیلیم یورتلرده و باشقه 175 مینگ اوقووچی خصوصی بیلیم یورتلرده درس اوقیدیلر.
اوشبو رقم‌لر اساسیده، هر ییل کمیده 40 مینگ اوقووچی دولتی و خصوصی بیلیم یورت‌لردن فارغ بوله‌دیلر.
