.jpg)
پاکستانده طالبان پروژهسی اوستیگه 60 میلیارد دالردن آرتیق سرمایه یاتقیزیلگن.
بوگون «پنجشنبه» 9- حوت، افغانستان خوفسیزلیک کوچلرینینگ ملی ایامیدن نشانلش مراسمده هرات والیسی عبدالقیوم رحیمینینگ ایتیشیچه، ینه-ده طالبان گروهینینگ اوستیگه پاکستان، سعودی عربستان و چین آرهلریده معامله جریان ایتماقده.
اونگه کوره، اوشبو مملکتلر اوز منفعتلری اوچون طالبان گروهینینگ اوستیگه کته سرمایه یاتقزیشنی باشلهگنلر. بو پروژه عملگه آشیریلیشی اوچون سعودی عربستان 20 میلیارد دالر و چین 43 میلیارد دالرنی پاکستان گه بیرگنلر.
جناب رحیمینینگ اورغولشیچه، امنیتی کوچلرگه قرشی طالبان گروهینینگ اوروشی مذکور مملکتلرنینگ منفعتلریدن مدافعه قیلیش دیر و شونینگدیک، بو اوروشده باشقه 20 عصیانچی گروه اشتراک قیلگن.
هرات والیسی، طالبان گروهینینگ «یاغی» دیب ایتیشیچه، اسلام حکمی یاغیلرنینگ باشینی کیسیش دیر.
.jpg)
هرات ولایتینینگ اوشبو مقامی، حاضرگی اوروش نی منطقهدن تشقری بیر اوروش دیب ایتیشیچه، خوفسیزلیک کوچلری خلق ارا ترورچیلرگه قرشی اوروشیب جانلرینی قربان قیلهدیلر.
جناب رحیمی دنیا جماعهچیلیگیدن خوفسیزلیک کوچلرنینگ قربانیلری نظرگه آلینیب و افغانستاندن چیقمسلرینی سورهگن.
شونینگدیک، هرات حاکمینینگ صحبتلری توغریسیده طالبان گروهینینگ فکرینی اورگهنیش اوچون علاقه قوردیک؛ بیراق مذکور گروهنینگ سوزلاوچیسی ذبیحالله مجاهد بو توغریده هیچ بیر نرسه دیمهدی.
اوشبو بیاناتلر ارایه ایتیلگن بیرچاغده، اوتگن دوشنبهدن بویان قطر باشکینتی دوحهده طالبان گروهی و آمریکا نمایندهلری آرهسیده افغانستان تینچلیک سوزلشوولری توغریسیده بیشینچی دور ییغین باشلنگن.
