ملی اردوده فسادگه قرشی کورهش مخصوص کمیسیون، ملی مدافعه وزیرلیگی نینگ 1394 منصبداری ایشدن آلینگن لیگینی معلوم قیلدی. مدافعه وزیرلیگی نینگ استخبارات استراتیژیک معاونی هلالالدین هلال خبری بیر انجمنده کمیسیون نینگ قیلیگن ایشلری توغریسیده معلومات بیریب، ملی مدافعه وزیرلیگی نینگ بو منصبدارلری 6 آی (میزان آییدن حوت آیی نینگ آخریگه قدر) لوازملریدن آلینیب عدلی و قضایی ادارهلرگه تانیشتیریلگنلر دیدی. جناب هلال، ایشدن آلینگن کیشیلر اورنیگه باشقه ملازملر تعیین بولگنلرینی تیلگه آلگن.
ایشدن آلینگنلر وزیرلیک نینگ حربی و ناحربی ملازملریدن عبارت بولگن لیگی ایتیلهدی. بولرنینگ 946تهسی حربی منصبدار،230تهسی مالی بولیم ایشلاووچیلری، 209تهسی ایسه شرطنامهلرگه قول قوییه دیگنلر و 26 نفری اورگهتیش برنامهلرنی اوتکزیش مسووللری بولگن.
مدافعه وزیرلیگی نینگ بو مسووللری وظیفهنی سوءاستعال قیلگنلیک، اوغیرلیک، یالغان، قانوننی بوزگنلیک، خیانت و درآمدلرنی حیف ومیل ایتگنلردن عبارت بولیب عدالی و قضایی ادارهلرگه تانیشتیریلگنلر.
هلالالدین هلال، درآمدلرنی حیف ومیل قیلگن و قورال اسلحهنی ساتگن عسکر، بریدمل ومنصبدارلردن 1107تهسی نینگ دوسیه هنوز تیکشیریلماقده دیدی.
ملی اروده اداری فسادنی تیکشیریش اوچون تشکیل بولگن مخصوص کمیسیون ملی مدافعه وزیرلیگی 141 ایشلاوچیسینینگ دوسیهسی اداری فسادگه قرشی کورهش باشقرهلاوچیلیگیگه یوباریلگنی بیلدیریلهدی.
