اوتگن کون کیچقورون جمهور رئیس غنی مونیخ ییغینینینگ چیکهسیده، تورلی مملکتلرنینگ رسمیلری بیلن علیحده شکلده صحبت اوتکزدی.
جمهور رئیس ناتو باشکاتبی ینس ستولتنبرگ بیلن اوچرهشیب و تورلی موضوعلر جملهدن افغانستان رهبرلیگی آستیده تینچلیک لایحهسی، ترورچیلر گه قرشی قوشمه کورهش و منطقه مملکتلرنینگ نقشی خصوصیده صحبت قیلگنلر.
اوشبو اوچرهشووگه ناتو باشکاتبی نینگ ایتیشیچه، ناتو تشکیلاتی و باشقه یاردمچی مملکتلر افغانستانده یاردم بیریش خصوصیده تعهدلی دیر و تینچلیک افغانستان شرکتی و رهبرلیگی بیلن تامینلنیشی ممکن.
شونینگدیک جمهور رئیس نینگ مذکور ییغینده ایتیشیچه، تیزلیکده تینچلیک مصلحتی کینگشی یولگه قوییلیب و برچه ولایتلر نمایندهلری بیلن تینچلیک توغریسیده بوتونلی سوزلهشیب و مصلحت ایتیشلری ممکن.
جمهور رئیس اروپا بیرلشیگینینگ تشقی علاقهلر مسئولی فدریکا موگرینی بیلن «کابل پروسهسی» تینچلیک مصلحتینینگ عالی کینگشی، جمهورلیک ریاستی سیلاوی و باشقه موضوعلر توغریسیده سوزلشگن.
اوشبو اوچرهشووگه فدریکا موگرینی اوتگن نوامبری آییده جینوا ده کیلیشیلگن 5 موضوع توغریسیده ایتیشیچه، اروپا بیرلشیگی اوشه پیتدن حاضرگچه اوشبو کیلیشوو عمل گه اَشیریلیشی اوچون حرکت قیلگن. جینوا ییغینیده کیلیشیلگن موضوعلر بولردن عبارت: کینگ تینچلیک پروسه ایجاد ایتیلیشی، اصلاحات کیلتیریش جملهدن خوفسیزلیک بولیمیده، سابق جنگریلرنینگ ادغام بولیشیدن حمایت ایتیش، تینچلیک پروسهسی اروپا بیرلشیگی تامانیدن تضمین ایتیلیشی، چیگره سوداگرلیکلرنینگ ترغیب ایتیش، منطقوی علاقهلر و بنیادی ایشلرنینگ کوچلنتریلیشی دیر.
اورپا بیرلشمهسینینگ تشقی علاقهلر مسوولینینگ کوپهیتیریشیچه، اوشبو بیرلشمه تینچلیک کیلیشووی عملی ایتیلیشی و افغانستان سیلاوی لایحهسیگه هرقندی همکارلیک قیلیشگه تیار دیر.
جمهور رییس غنی و فدریکا موگرینی همکارلیکلرنینگ دوام تاپیشیگه اورغولهگنلر.
قطر امیری شیخ تمیم بن حمد آل ثانی هم مونیخ ییغینینینگ چیکهسیده جمهور رییس غنی بیلن اوچرهشیب و افغانستان حکومتی رهبرلیگیده بولگن تینچلیک لایحهدن حمایت بیلدیرگن.
جمهور رییس غنی بریتانیا مدافعه وزیری گاوین ویلیامسن بیلن اوچرهشیب، افغانستان و منطقه خوفسیزلیگی تامینلنیشی و شونینگدیک تروریسمگه قرشی قوشمه کورهشیش خصوصیده صحبت قیلگن.
بو اوچرهشووده بریتانیا مدافعه وزیرینینگ ایتیشیچه، اوز مملکتی همکارلیکلریگه دوام بیرهدی و بیر اورتاق صفتیده افغانستان حکومتی و یشاوچیلری یانیده قالهدی.
جمهور رئیس غنی مونیخ ییغینینینگ چیکهسیده عرب اماراتینینگ تشقی ایشلر وزیری و ترکیه مدافعه وزیری بیلن اوچرهشگن. اوشبو اوچرهشووده قوشمه همکارلیکلرنینگ دوام تاپیشی، تروریسم گه قرشی کورهشیش و پولیس تعلیماتی خصوصیده صحبت قیلینگن.
شونینگدیک افغانستان جمهور رییسی اوتگن کونی افغانستان تینچلیک لایحهسی بوییچه آمریکا خاص نمایندهسی زلمی خلیلزاد و اوزبیکستان تشقی ایشلر وزیری بیلن اوچرهشگن ایدی.