بوگون «چهارشنبه» سابق جمهور رئیس و ملی نجات حزبینینگ رهبری صبغتالله مجددی نی توپراققه قوییش مراسمی ارگ ده بولیب اوتدی.
اوشبو مراسم ده جمهور رئیس محمداشرف غنی، اجراییه باشلیغی عبدالله عبدالله، جمهور رئیس ایکینچی اورین باسری سرور دانش، سابق جمهور رئیس حامد کرزی، جهادی بویوکلر و قطار حکومت رسمیلر قتنهشگنلر.
جمهور رئیس محمداشرف غنی اوشبو مراسمده صبغتالله مجددی نینگ افغانستان نی سونگی 40 ییلیدهگی تاثیرچن سیاسی سیمالردن بیری بولگنی نی ایتگن.
محمداشرف غنینینگ مذکور مراسمده ایتیشیچه، مجددی 7- ثور نینگ کودتاسیدن کیین افغانستاندهگی روسیه کوچلری نی بارلیگی توغریسیده قرشیلیک بیلدیریب و اولرنینگ قرشیسیده بیرینچی اَدیملرنی کوتاردی.
جمهور رئیس نینگ کوپهیتیریشیچه، جهادیلرنینگ غالب چیقنیدن کیین مجددی بیرینچی جمهور رئیس صفتیده تعیینلندی و جمهورلیک ریاستی دورهسی نینگ یکونلنگنیدن کیین قدرت نی تینچ شکلده انتقال بیردی.
مجددی قویاش 1305- ییل کابل شهریده روحانی بیر عایلهده دنیاگه کیلدی. او، بُن کنفرانسیدن کیین سنا کینگشی و تینچلیک کوچهییش کمیسیونی باشلیغی صفتیده اِیش قیلدی.
مجددی جاری 1397- ییل، 22- دلو دوشنبه دن سه شنبه گه اوتر کیچه یریمی ده 94 یاشیده عالم دن اوتدی. شو یوزهدن حکومت بوگون نی تعطیل اعلام قیلیب و مملکت بیراغی یریم شکلده کوتاریلدی.
