روسیه تشقی ایشلر وزیری سرگی لاوروف، شو کیچه-کونده قیزقزستاندن کوریب چیقماقده و بوگون میدیالر بیلن صحبت اوتکزگنده ایتیشیچه، افغانستانلیکلر ارا تینچلیک سوزلشوولری اوتکزیلگن صورتده، افغانستانده تینچلیک تأمینلنیشی ممکن.
مسکوده افغانستان سیاستچیلریدن بیرقطاری و طالبان گروهینی آرهسیده اوتکزیلهدیگن ییغین توغریسیده سرگی لاوروفنینگ ایتیشیچه، روسیه حکومتی افغانستانده اوروش یکونلهنیشی و افغانستانلیکلر ارا ییچیم یول تاپیلیشی خصوصیده سعی و حرکت قیلهدی؛ بیراق آمریکا تینچلیک سوزلشوولری جریانینی قولگه آلیب و بو سوزلشوولر سِرلی اوتکزیلیشینی ایستهیدی.
مسکو ایکی کونلیک ییغینی روسیهده یولگه قوییلهدی. بو ییغینده طالبان گروهینینگ 10 کیشیلیک هیأتیگه علاوه سابق حکومتنینگ رسمیلریدن بیرقطاری و حاضرگی حکومتنینگ قطار سابق رسمیلری اشتراک قیلهدی.
شو توغریده…
- طالبان گروهی مسکو تینچلیک ییغینیده اشتراک قیلهدی
عبدالله: طالبان گروهی تینچلیککه قرشی اینگ کته توسیق دیر
اوشبو ییغین اشتراکچیلرینینگ آرهسیده 3 عیال هم موجود. اشتراکچیلرنینگ ایتیشیچه، مسکو ییغینی افغانستاننینگ حاضرگی تیزیمینی کوچسیز قیلیش ایمس، بلکیم اولر بو ییغینده طالبلرگه تینچلیک سوزلشوولری جریانیده اوتگن ایکی دهه یوتوقلری سقلهنیشینی بیلدیرهدی.
