قطرده طالبان گروهی‌نینگ سیاسی دفتریده مذکور گروه اعضالریدن بیرقطاری‌نینگ ایتیشیچه، تینچلیک لایحه‌سیگه طالبان گروهی قوشیلگن صورتده، افغانستان اردوسی ترقه‌تیله‌دی. حاضر اسلامی جمعیت حزبی‌نی رهبرلیک کینگشی اعضالری‌نینگ ایتیشیچه، افغانستان اردوسی ترقه‌تیلیشی طالبان گروهی‌نینگ ایسته‌گی ایمس، بلکیم منطقه استخباراتی تشکیلات‌لرنینگ قراری بولگن.
بوگون «یکشنبه» کابل‌ده خبری بیر ییغین‌ده نطق سوزله‌گن اسلامی جمعیت حزبی‌نینگ رهبرلیک کینگشی باشلیغی سیدابراهیم عمادنینگ ایتیشیچه، حکومت‌نینگ 18 ییل‌لیک یوتوق‌لرینی سقله‌یدیگن تینچلیک سوزلشوولریدن حمایت قیله‌دیلر.
جناب عماد گه کوره، موقت حکومت قوریلیشی نی قبول قیلمه‌یدیلر و طالبان گروهی مملکت یشاوچی‌لری بیلن کیلیشمه‌گن صورتده، یشاوچی‌لر آره‌سیده بوله آلمه‌یدیلر. عماد جنابلری‌نینگ ایتیشیچه، اسلامی جمعیت‌نینگ رهبرلیک کینگشی طالبان بیلن کیلیشیش اوچون تیار دیر.
شوندی بیرحالده، اوتگن کون «شنبه» کیچ قورون جمهور رئیس محمداشرف غنی «خاص عملیات قول اردوسی‌نینگ ایشلاوچی‌لریدن تقدیرلش مراسمی» ده حربی کوچلری‌نینگ کونده‌لیک اِیش‌لریدن تقدیرلب ایتیشچه، باشقه‌لرنی زوردن تینچلیک سوزلشوولریده کیلتیرگن‌لرنینگ امنیتی کوچلرنی ترقه‌تیلیشی خصوصیده صحبت قیلمه‌یشی کیره‌ک و شهامت‌لری بولگن حالده کوره‌ش میدانی‌گه اوزلرینی کورسه‌تیش‌لری کیره‌ک.
جناب غنی حربی مسئوللرگه خطاب ایتیشیچه، تینچلیک تامین ایتیلگونگه قدر دهشت تشلاوچی‌لرگه قرشی کوره‌شیش‌گه مسوول سیزلر.
شو توغریده:
