غزنی حاکمی‌نی سوزلاوچیسی عارف نوری‌نینگ سلام‌وطندارگه ایتیشیچه، کماندو کوچلری اوتگن کیچه غزنی ولایتی‌نینگ آب‌بند تومنیده بیر عملیات یولگه قویب، طالبلر قماقخانه‌سیدن کمیده 40 کیشی‌نی قوتقرگنلر.
غزنی حاکمی‌نینگ سوزلاوچیسی گه کوره، بو عملیات‌ده طالبان جنگریلریدن 10 ته‌سی هلاک، 15 ته‌سی یره‌لنیب و شونینگ‌دیک باشقه 5 ته‌سی قولگه آلینگن.
اونینگ ایتیشیچه، طالبلرنینگ قطار نقلیه واسطه‌لری بو عملیات‌ده تخریب ایتیلگن.
عین‌حالده، هرات حاکمی‌نی سوزلاوچیسی جیلانی فرهاد‌نینگ ایتیشیچه، طالبان گروهی نظارت‌لریده بولگن 15 عسکرنی قوییب یوبارگنلر.
جناب فرهاد بو توغریده جزئیات بیرمه‌گن؛ بیراق اوشبو عسکرلرنی هرات ولایتی‌نینگ شیندند تومنیدن قوییب یوباریلگنی‌نی ایتگن.
شونینگ‌دیک، طالبان گروهی بیر اعلامیه ترقه‌تیب بو گروه حربی کینگشی‌نینگ قراری اساسیگه، نظارت‌لریده بولگن امنیتی کوچلردن 35 تهسینینگ قوییب یوباریلگنی‌نی بیلدیرگنلر.
مذکور اعلامیه‌ده قوییب یوباریلگن عسکرلرنینگ آت‌لری کیریتیلگن و شفقت‌لری بولگن باعث اوشبو عسکرلرنینگ قوییب یوباریلگنی ایتیلگن.
