مملکت عدلیه وزیری عبدالبصیر انور 67 ایجابی و 58 سلبی آواز و شونینگدیک بنگیوار مادهگه قرشی کورهش وزیری سلامت عظیمی 67 ایجابی و 62 سلبی آواز قولگه کیلتیریش بیلن لوازملریده قالگنلر.
بوگون "دوشنبه" بنگیوار مادهلرگه قرشی کورهش وزیری سلامت عظیمی و عدلیه وزیری عبدالبصیر انور 1396-ییل کینگیتیریش بودجهنی کم صرفلهگنی باعث، نمایندهلرکینگشی تامانیدن استیضاح ایتیلگنلر.
نمایندهلر کینگشینینگ مالی و بودجه کمیسیونی باشلیغی عظیم محسنینینگ ایتیشیچه، 1396- مالی ییلده کینگیتیریش اوچون اختصاص بیریلگن بودجهدن عدلیه وزیری 66% و بنگیوار مادهگه قرشی کورهش وزیری 63% نی صرفلگن.
مملکت عدلیه وزیری عبدالبصیر انور نینگ ایتیشیچه، دنیا بانکینینگ بو وزارتگه تیگیشلی بولگن 881661 دالرنی بیرمهگنی باعث، عدلیه وزیرلیگی کینگیتیریش بودجهدن ایترلیچه صرف قیلیشگه موفق بولمهگن.
بنگیوار مادهگه قرشی کورهش وزیری سلامت عظیمینینگ ایتیشیچه، ناتینچلیک، تدارکات خصوصیده بولگن قیینچیلیکلر و ساختمانی پروژهلرنینگ شهر قوریش وزیرلیگیگه انتقال بیریلیشی باعث، بو وزارت کینگیتیریش بودجهدن 63% نی صرفلهگن.
بیراق نیتجهده مملکت بنگیوارمادهگه قرشی کورهش وزیری سلامت عظیمی و عدلیه وزیری عبدلبصیر انور نمایندهلرکینگشی دن ایجابی آواز قولگه کیلتیریش بیلن لوازملریده قالگنلر.
