پکتیا پولیسی مسئولرینینگ ایتیشیچه، کوندهلیک اِیشلرنی عمل گه آشیریش اوچون جای کملیگی گه روپهرو بولگنلر.
اولرگه کوره، اوشبو ولایت پولیس قومندانلیگینینگ اِیشلری اوتگن ییل خودکش هجوم نتیجهسیده تخریب بولگن اتاقلرده بجریلهدی.
پکتیا پولیس قومندانی رازمحمد مندوزینینگ ایتیشیچه، زون قومندالیگینینگ بناسی مذکور ولایت پولیس قومندانلیگی ایشلاوچیلری اختیاری گه اوتیش اوچون قرار قیلینگن ایدی؛ بیراق بیر ییل اوتماقده، نه زون قومندانلیگی اولرگه تاپشیریلیدی و نه پولیس قومندانلیگی بناسینینگ قیته قوریلیش اِیشی باشلندی.
پکتیا پولیس قومندانینینگ ایتیشیچه، اولرنینگ ایشلاوچیلری اِیشلب کیلهدیگن بناده مراجعت قیلهدیگن کیشیلر و اونملی خوفسیزلیک ییغینلرنی یولگه قوییش اوچون جای یوق دیر.
عینحالده، پکتیا ولایتی کینگش اعضالریدن قطارینینگ ایتیشیچه، اوشبو ولایت پولیس قومندانلیگی بناسینینگ قوریش ایشی 8 آی آلدین باشلندی؛ بیراق حاضرگه قدر هیچقندی کوزگه کورینهدیگن ایش عمل گه آشیریلمهگن.
سلاموطندارگه صحبت بیرگن پکتیا ولایتی کینگش اعضاسی محمدرحمان قادرینینگ ایتیشیچه، اوشبو ولایت پولیس قومندانلیگی بناسینینگ بودجهسی باشقه ایریم پولیس ییرلرینی قوریش اوچون صرفلنیشی گه قرار قیلینگن ایدی؛ بیراق حاضرگچه بو ایش بولمهگن.
پکتیاده پولیس بناسی و پولیس گه تیگیشلی باشقه بنالرنینگ قوریش ایشی باشلنمهگنی حاضرگه قدر بیللی بولمهگن و شونینگدیک مذکور ولایت پولیس قومندانلیگی مسئولری بو توغریده رسانهلرگه انیق معلومات ترقهتیش نی ایستمهیدیلر.
