خوست ولایتیده نمایندهلر کینگشی سیلاوینینگ دستلبکی نتیجهسی اعلان ایتیلگنده یوتوققه ایریشمهگن نامزدلردن 36 تهسی بوگون ناراضیلیک بیر نمایش یولگه قوییب خوست-گردیز قتناو یولینی باغلهگنلر.
اوشبو اعتراضچیلر سیلاولر ایرکین کمیسیونیدن خوست ولایتیده نمایندهلر کینگشی سیلاوینینگ آوازلری قیته سنهلیشینی سورهگنلر.
خوست ولایتیده سیلاولر ایرکین کمیسیونینینگ ولایتی دفترینی باشلیغی شاهجهان سرداری، اعتراض بیلدیریشنی نامزدلرنینگ حقی دیب بیلهدی، بیراق ایتیشیچه، بو ولایتنینگ برچه آوازی قیته سنهلیشی اولرنینگ کوچیدن یوقاری دیر و بو قرار مرکزی دفتر تامانیدن آلینهدی.
سیلاولر ایرکین کمیسیونی حاضرگهقدر 20 دن آرتیق ولایتده نمایندهلر کینگشی سیلاوینینگ دستلبکی نتیجهلرینی اعلان قیلگن و دستلبکی نتیجهلر اعلان ایتیلیشی یوتوققه ایریشمهگن نامزدلردن بیرقطارینینگ جدی عکسالعمللریگه سبب بولگن.
