درۀ‌صوف پایین تومنی‌نی پولیس قومندانی منورشاه بهادری‌نینگ ایتیشیچه، بوگون ایرته‌لب مذکور تومنده قوراللی طالب‌لر یوک تاشیووچی موترلرنینگ 50 هیداوچیسینی اوغیرلگن.
جناب بهادری گه کوره، مذکور موترلرده 100 کیشی بار ایکن و اولردن 50 ته‌سی هیداوچی‌لرنینگ یاردمچیسی بولگن و طالب‌لر ایسه یاردمچی‌لرنی قوییب یوبارگن.
دره‌صوف پایین تومنی پولیس قومندانی‌نینگ ایتیشیچه، بو یولدن کوپلب یوک تاشیووچی موترلر اوته‌دی و درۀ‌صوف تاش کومیر کانلریدن تاش کومیر آلیب مملکت بازارلریگه انتقال بیره‌دی.
بهادری‌نینگ ایتیشیچه، هیداوچی‌لرنینگ تاش کومیر تولدیریلگن موترلری قیته‌دن تومن گه انتقال بیریلگن و بو هیداوچی‌لرنی قوییب یوباریش اوچون قوم بویوک‌لری‌نینگ سعی و حرکت‌لری دوام ایتماقده.
قوراللی طالب‌لر حاضرگچه بو توغریده هیچ نرسه دیمه‌گن.
شونینگدیک، اوتگن هفته سرپل ولایتی‌نینگ بلخاب تومنیدن مزارشریف کیله‌دیگن 25 یولاوچی بلخ ولایتی‌نینگ کشنده تومنیده مذکور گروه جنگریلری تامانیدن اوغیرلنگن ایدی؛ اولرنینگ تقدیریدن حاضرگچه هیچ بیر معلومات قولگه کیریتیلمه‌گن.
