بامیان ولایت سرپرستی مذکور ولایتنینگ برچه دولتی ادارهلریگه ولایت سرپرستی و سوزلاووچیسینینگ مصلحتی و هماهنگلیگیسیز هیچ بیر مدیا بیلن صحبت قیلمسلیکلریگه بویروغ بیرگن.
بو حقده تشویش بیلدیرگن خبرچیلر همده مدنی جماعهچیلیک فعاللریگه کوره، بو مملکت اساسی قانونی و معلوماتلرگه قول تاپیش قانونیگه ضد بیر عمل، اوشبو مساله اداری فساد کوپیشیگه باعث بولهدی.
بامیان بیلیم یورتینینگ استادی امین ابتهاج حجتینینگ ایتیشیچه، اوشبو بویروغ تن آلینمدی بیز بونگه قرشی میز. حجتی، مذکور موضوع سوز ایرکینلیگی اوچون چیکلاو یرهتیش دییه بیلدیرگن. حجتی ولایت سرپرستینینگ بو قراری اداری فساد اوج آلیشیگه باعث بولیشینی معلوم قیلگن.
ولایت اخبارات و مدنیت ریاستینینگ رییسی کبیر دادرسگه کوره، مذکور بویروغ آچیق شکلده خودسانسورلیک سنلهدی. حال بوکه، سانسور افغانستانده معلوماتلرگه قول تاپیشی قانونیگه قرشی دیر.
شونینگدیک ولایت کینگشینینگ اعضالری هم اوشبو بویروغ گه قرشیلیک بیلدیریشگنلر. ولایت کینگش اعضالری اوشبو موضوع اداری فساد کوپیشی همده حکومت مسووللرینی قیلهجک ایشلریدن جواب بیرمسلیکلریگه سبب بولهدی دیگنلر.
بامیان ولایت کینگشینینگ اعضالریدن بیر یوسف مظهرینینگ خبرچیلرگه، مساله اوچون ولایت سرپرستی بیلن صحبت قیلیشی بارهسیده وعده بیرگن.
عین حالده، ولایت سرپرستی غلامعلی وحدت عکس العمللرگه نسبتن جواب بیریشیچه، مذکور فرمان صادر قیلینیشی یخشی معلومات بیریش، اساسی شکلده معلوماتلرگه قول تاپیش، خوفسیزلیک و حکومت فعالیتلری یخشی صورتده ترقهتیلیشی اوچون ایجابی تاثیر بار.
اونگه کوره، مذکور بویروغ اساسی قانون و معلوماتلرگه قول تاپیش قانونیگه موافق صادر قیلینگن.
افغانستان ایرکین مدیا مسوولی صدیق الله توحیدی، ولایت سرپرستینینگ بو تدبیری مملکت اساسی قانونیگه ضد بیر حرکت بولگن لیگینی ایتگن.
نیچه وقت آلدین مملکت ملی خوفسیزلیک کینگشی بیر رسمی مکتوب آرقهلی برچه ولایتلر امنیتی مسووللریدن ایچکی ایشلر وزیرلیگینینگ سوزلاووچیلریدن باشقه هیچ کیم معلومات بیریش حقی ایگه ایمس لیگینی ایتگن ایدی.
