.jpg)
کتاب ساتیب آله‌دیگن‌لر نیمه اوچون کتاب اوقیمه‌یدیلر؟ کونلردن بیریده ملی مارکتی گه باش اوردیم. بو مارکت پل سرخ منطقه‌سیده کتاب، کتاب ساتووچی و کتاب اوقووچی‌دن توله بولگن تانیقلی مارکت دیر. آلدیم‌ده سافتی بولمه‌گن و ایشیم موضوعی گه تیگیشلی بیران کتاب ساتیب آلیش اوچون نیچه کتاب ساتووچی دکان گه باش اوردیم.
کتاب‌لرنی کوره‌ریدم که قطار یاش قیزلر دکان‌گه کیردی. بیری سوسیالوجی کتاب‌لر بولیمی‌ده باردی؛ باشقه بیری خرسندلیک بیلن بو تاریخی کتاب‌نی کورینگ‌لر چیرایلی جلدی بار دیب سیس چیقاردی. بیری هم مجله‌لرگه بولگن صورت‌لرنی کوریش بیلن مشغول بولدی.
مذکور قیزلر، هر بولیم‌دن حجمی کوپ و جلدی چیرایلی و قفسچه‌گه راحت توره‌دیگن کتاب‌لرنی انتخاب قیلیب کتاب ساتووچی‌نینگ میزی اوستیگه نیچه ته مینگ‌لیک‌لرنی قوییب دکان‌دن چیقیب کیتی‌لر.
مین دقت بیلن کتاب‌نینگ رویخطی، سوزباشی و منابع‌سی‌نی اووقیمن و نیازم بولگن کتاب خصوصیده باشقه کتاب‌لر و انترنت‌دن معلومات قولگه کیلتیره‌من. کتاب ساتیب آلیش خصوصیده بوندی دقت سیزلیک‌نی هیچ زمان کورمه‌گن ایدیم.
نیچه ییل آلدین بیر کتاب ساتووچی‌دن بیر مجموعه کتاب‌نی سوره‌دیم، کتاب ساتووچی مذکور مجموعه‌نی نیمه قسم کتاب آلیشی‌نی بیلمی و قرار قیلمه‌گن بیر کشی‌گه ساتگنی‌دن خبر بیردی؛ کتاب ساتووچی‌نینگ ایتیشیچه، مذکور کیشی بو مجموعه کتاب‌نی چیرایلی و یخشی رنگی بولگنی اوچون آلگن.
.jpg)
اوشبو ییللرده اجتماعی ترماقلردن قوله‌نیش یاش‌لر آره‌سیده کوپ رواج‌لنگن، ایریم صفحه‌لر کتاب پسوند یا-ده پیشوند بیلن اجتماعی ترماقلرده توزه‌تیلگن. قطار کیشی‌لر اوشبو ترماقلرده اوز صورتی‌نی کتاب قفسچه‌سی بیلن ترقته‌دیلر. باشقه قطار کیشی‌لر بیر کتاب و یا-ده بیر گلاس قهوه بیلن سلفی آلیب اجتماعی ترماقلرده ترقته‌دی.
اوشبو کتاب ساتیب آله‌دیگن‌لرنینگ قنچه‌سی کتاب اوقیشی دقیق شکلده بیللی ایمس دیر؛ شونینگدیک، کتاب صورتی‌نی ترقه‌تیب و کتاب اوقیشی‌نی بیلدیرگن‌لرگه هم ایشانیب بولمه‌یدی، چونکه اوزلرینی باشقه‌لرگه مهم کورسه‌تیش اوچون سعی و حرکت قیله‌دیلر. بونده‌ی آدم‌لرگه قره‌گنده قولی‌لیک بیلن قبول قیلیش ییترلی ایمس دیر.
بیراق، ایریم پیت‌لر انسان‌نینگ باشی چلغه‌یدی. مثال صورتده، کتاب ساتیب آلگن کیشی کتاب اوقیسه، نیمه اوچون موضوع نی یخشی توشونیب و بیلیب کتاب آلمه‌یدیلر؟ یا-ده نیمه اوچون کورینیشی چیرایلی و الداوچی یا-ده آت‌لری قیزیق کتاب‌لرنی ایزله‌یدیلر؟ یا-ده نیمه اوچون برچه رویایی کتاب اوقیدیلر: یامغیر، قهوه، سیگار هیدی و بیر چیککه! نیمه برچه سافت یا-ده پی‌دی‌اف دن نفرتلنه‌دی و کتاب برماغلریگه حس بیریشی‌نی ایسته‌یدیلر؟
