.jpg)
کوز موسومی نینگ قویاشلی کونلریدن بیری ده لعلوسرجنگل درختلری نینگ یریمیشیل یپراقلری آرهسیده ساچی خرما رنگی، کوزلری یشیل و قولیده کتابی بولگن عیال قیشلاق مکتبی تامان بارماقده ایدی. اونینگ آتی مونیکا دیر؛ بو عیال نیچه آیدن بویان پولندنی ترک ایتگن و افغانستان بالهلرینی اورگهتیش و تربیهلش اوچون غور ولایتی گه کیلگن.
مونیکا، 28 یاشیده دیر و بو عیال غور ولایتیده خصوصی مکتبلردن بیری نینگ اوقووچیلری گه انگلیس تیلینی اورگتهدی.
اوشبو پولندلیک عیال کمیده 5 آیدن بویان غورده حیات کیچیرهدی. مونیکانینگ ایتیشیچه، افغانستان بالهلری گه تعلیمات بیریش و بو مملکت نینگ رسمورواجلرینی تانیش اونینگ اوز عایلهسیدن مینگلرچه کیلومتر اوزاققه تارتگن.
او، پارتلش و خودکش سوزی بیلن تانیش دیر. اونینگ ایتیشیچه، افغانستان گه سفر قیلیشیدن آلدین، دنیانینگ ناتینچ مملکتلریدن بیری گه باریشینی بیلردی، بیراق بو مملکت بالهلری گه تعلیمات بیریش اوچون کوکسینی دینگیزگه اوریب و یولگه توشگن.
.jpg)
مونیکا افغانستان نینگ باشقچه تانیگن ایکن، لیکن حاضر اوزگرگن. اونینگ ایتیشیچه، مدنی میدیالر افغانستان نی ناتینچ و یخشیلیکلردن اوزاق مملکت صفتیده تانیشتیرگن ایکن، بیراق بوندهی ایمس: «کیلدیم، کوردیم و توشونچم اوزگردی. افغانستان نینگ قیزیق رسمورواجلری بار و بو نیچه آیده اهالی نینگ کوپینچه یخشیلیکلری و خاصیتلری گه کونگیل باغلهدیم.»
مونیکا، افغانستان بالهلری تعلیم کوریشلری و اوقیش دوامی اوچون دنیانینگ اینگ یخشی بیلیم یورتلریگه یول تاپیشلرینی آرزو قیلهدی. او، شو یوزهدن کیلیب اولرگه انگلیس تیلینی اورگتهدی.
او، خرسند و کوچلی دیر. اونینگ ایتیشیچه، قیشلاق بالهلری جانودل دن و اینگ آز امکانیت بیلن اوقیش اوچون بیلک توریب و بویوکلر کبی سعی و حرکت قیلیشهدی و بولرنی کوریب ایلگریدن کوره آرتیق اولرگه تعلیمات بیریش خصوصیده علاقه باغلهیدی.
مونیکا بیلن نیچه ساعت قالدیم و کوردیم چیتایللیک بیر عیال قیشلاقیلر بیلن بولیشدن لذتلنهدی. اونینگ ایتیشیچه، پولند ده تینچ تیریکچیلیگی بولیشی ممکن، بیراق هیچ قچان بوندهی راضیلیک حس قیلمس ایدی.
.jpg)
مونیکا، افغانستانده اورگهتیش و تربیهلش رواجلنیشی گه امید قیلهدی و اونینگ ایتیشیچه، ییل اوتیشی بیلن قیز و اوغیل اوقووچیلرنینگ میزانی آشهدی و بو ایسه کیلهجک آیدینلیگینی کورستهدی.
اوقوووچیلر ایسه یورکلریده بولگن بوتون تویغو بیلن اوقیتووچیلری نینگ اطرافیده توپلهنیب و او بیلن صحبت قیلیشهدی. مذکور اوقووچیلردن بیرقطاری بیلن صحبت قیلدیم. اوقیتووچیلرینی فرشته دییشهدی و اولرنینگ ایتیشیچه، مونیکا باشقهلردن کوره یخشی درس بیرهدی.
مونیکا پولند ده اجتماعی بیلیم فاکولتهسیده تعلیم کورگن و اوقیتووچیلیک بولیمیده نیچه ییللیک تجربه گه ایگه بولگن.
