اروپالیک مملکتلرده انسان قاچاقی و ناقانونی مهاجرلیککه قرشی چیکلاولر دوام قیلماقده، بیراق هر ییل کوپ قطار یاشلر مملکتده اوروش و ناتینچلیک بولگنی سبب، کوپینچه قیینچیلیکلرنی قبول قیلیش بیلن ناقانونی مهاجرلیک آرقهلی، اروپا باریش اوچون یولگه چیقهدیلر.
سرپل ولایتی یشاوچیلریدن بولمیش سیدمحمد، مملکت اینقسه او تیریکچیلیک قیلهدیگن منطقه ده ناتینچلیکلر کوپهیگنی سبب، کوپینچه خطر و قیینچیلیکلرنی تحمل قیلیش بیلن ناقانونی مهاجرلیک آرقهلی، اورپا باریش مقصد ده یولگه چیقگن.
سیدمحمد نینگ ناقانونی مهاجرلیک قیینچیلیکلریدن کوپینچه حکایهلری بار. اونینگ ایتیشیچه، عایله اعضاسی بیلن ناقانونی مهاجرلیک آرقهلی، اروپالیک مملکتلردن بیریگه باریب تینچ فضا ده حیات کیچیریشنی ایستهگن.
اونینگ ناقانونی مهاجرلیک آرقهلی اروپا بارگنی خصوصیده ایتیشیچه: «اساسی قیینچیلیگیمیز ناتینچلیک ایدی؛ بیزنینگ ولایتیمیزنی یالغیز مرکز حکومت و امنیتی کوچلر قولیگه ایدی و باشقه منطقهلر دولتگه قرشی قوراللی گروهلر نظارتیگه ایدی.»
سیدمحمد نینگ ایتیشیچه، بیر تاماندن قاچاقچیلر اروپالیک مملکتلرنی رویایی کورستیش بیلن یاشلرنی ناقانونی مهاجرلیککه تشویق قیلهدی و باشقه تاماندن افغانستانده ناتینچلیکلر کوپ بولگنی سبب، کوپ قطار یاشلر مینگلرچه قیینچیلیک و خطرنی قبول قیلیش بیلن ناقانونی مهاجرلیک آرقهلی یولگه چیقهدی.
اونینگ کوپهیتیریشیچه، سفر هزینهسینی تیارلش اوچون اوی، اوی لوازمی و باشقه نرسهلرینی ساتگن. سیدمحمد نینگ ایتیشیچه، کمیده ایکی ییل یونانده مهاجرلر کمپیگه قالگن و اوندن سونگ، کوپینچه پول بیریش بیلن ایتالیا و او ییردن آلمانگه بارگن.
سیدمحمد نینگ ایتیشیچه، نیچه ییلدن بویان آلمانده تیریکچیلیک قیلهدی و حاضرده افغانستانگه قیتیب کیلیشنی ایستهیدی، بیراق تینچلیک سوزلشوولر نتیجهسینی کوتیب تورگن.
مهاجرلیک یا-ده MRC معلومات بیریش مرکزی نینگ مصلحتچیسی روحالله شیخزاده نینگ سلاموطندارگه ایتیشیچه، تینچلیک جریانی ایجابی نتیجه بیرگن حالده، ناقانونی مهاجرلیک کم بولهدی. اونینگ ایتیشیچه، تینچلیک جریانی مملکتده تینچلیک، آسایش و یشاوچیلر حقوقی نینگ تامینلهنیشیگه سبب بولگن صورتده، ناقانونی مهاجرلیک کمهیهدی، بیراق تینچلیک سوزلشوولرگه قرشی قیینچیلیک یرهتیلگن صورتده، افغانستان ناقانونی مهاجرلیک نینگ باشقه بیر موجیگه گواه بولهدی.
قاچقینلر وزیرلیگی نینگ حمایتی بولیمی باشلیغی مرتضی رسولی نینگ ایتیشیچه، اوز ایستهگیگه مملکتگه قیتیب کیلگن مهاجرلر خلق ارا تشکیلاتلریده قید قیلینگنیدن سونگ، اساسی یاردملر توزیع قیلینهدی.
سونگی پیتلرده افغانستانده ناتینچلیکلر کوپهیگنی سبب، ناقانونی مهاجرلیک سانی یوقاری کیتگن. حتا مملکت باشکنتی و باشقه قطار ولایتلرنینگ یشاوچیلری بوتون بارلیکلرینی ساتیش بیلن ناقانونی مهاجرلیک آرقهلی اروپا مملکتلریگه باریشگه قرار قیلهدیلر.
