.jpg)
افغانستان مهاجرلری نینگ قیغولی و دردلی حکایهلری بیتمهیدی و بو حکایهلری ایران مملکتی گه بارهدیگن ناقانونی مهاجرلیک یولیده هر بیر مهاجرنینگ ایستدهلیگی بولیب قالهدی. هرکون یوزلرچه باله، اوسمیر، یاش ییگیت و شونینگدیک، کیکسه کیشیلر ایران دن سورگون ایتیلگنیدن سونگ، قیغولی و دردلی اوتمیشنی تجربه قیلیشهدی.
مملکت غربی ده جایلشگن غور ولایتی نینگ یشاوچیسی 20 یاشیده بولگن گلمحمد، نیچه کون آلدین ایران چیگرهچیلری تامانیدن قولگه آلینیب اسلامقلعه گه قیتریلگن.
گلمحمد ایکی آلدین کمبغللیک و ایشسیزلیک باعث، اوز ولایتی نی ترک قیلیب ایران گه سفر قیلگن ایکن.
او، بیرینچی مرته ناقانونی مهاجرلیک یولی گه توشگن. اونینگ ایتیشیچه، باشقه بیر قطار یاشلر بیلن بیرگه نیمروز چیگرهسی آرقهلی پاکستان گه کیرگن و اوندن کیین ایران توپراغی گه کیرگن.
او، 7 کیچه-کوندوز یول یورگن وباشقه ایکی کیچه-کوندوز آیاق یلنگ یول گیزگن.
گلمحمدنینگ اوتمیشی بو ییرده بیتمهیدی. او، تهران گه ییتیشگنیدن سونگ، بیر ایکینزارده ایش تاپهدی، بیراق ایکی آیدن سونگ، ایران پولیسی نینگ قولی گه توشهدی.
او و باشقه نیچه همراهی ایران پولیسی تامانیدن قولگه آلینگنیدن سونگ، اهانت، حقارت و کلتکلنیشلری گه علاوه، یلنغاچ قوللری بیلن پولیس پوستهسینی اطرافیده بولگن تیکانلرنی تیریشگن.
ایران گه بارهدیگن ناقانونی مهاجرلیک یولیده تجربه قیلینهدیگن قیغولی و دردلی حکایه نی یالغیز گلمحمد تجربه قیلمهگن.
اونینگ کبی هر کون یوزلرچه افغانستانلیک مهاجر بو یولنی گیزهدی. غور ولایتی نینگ یاشلریدن باشقه بیری 23 یاشیده بولگن احمد هم گلمحمدنینگ باشیدن اوتگن اوتمیشنی تجربه قیلگن.
اونینگ ایتیشیچه، ایران گه ییتیش اوچون همراهلری بیلن تورت کیچه-کوندوزنی سوو و آوقت سیز بیر دره ده اوتکزگن، بیراق ایران گه ییتیشگنیدن سونگ، پولیس تامانیدن قولگه آلینگن. او، ساعتلرچه پوسته اطرافیده بولگن تیکانلرنی تیریش گه مجبور بولگن.
ایران ده افغانستان مهاجرلری نینگ دردلی حکایهلری، یالغیز پولیس نینگ یامان یاندهشیشی گه خلاصه بولمهیدی، بلکیم انسان قاچاقچیلری هم اوز نوبتلری گه مهاجرلر و باشپناه ایزلاوچیلرنی اذیت قیلیشهدی.
بیراق، هرات ولایتی بوییچه مهاجرلر ریاستی باشلیغی جاوید نادم نینگ سلاموطندارگه ایتیشیچه، حاضرگهقدر ایران دن سورگون ایتیلگن مهاجرلر تامانیدن ایران پولیسی نینگ یامان یاندهشیشی توغریسیده بو ریاست گه هیچ بیر شکایت قیلینمهگن. اونینگ ایتیشیچه، بوندهی بیر شکایت بو ریاست گه رویخط گه بیریلگن صورتده، تشقی ایشلر وزیرلیگی بیلن اویغونلیک ده مهاجرلر وزیرلیگی تامانیدن تیکشیریلیشی ممکن.
جناب نادم نینگ ایتیشیچه، ایکی آیدن بویان ایران دن افغانستان مهاجرلرینی زورلب چیقاریش جریانی باشلنگن و هر کون عیاللر، بالهلر، یاشلر و قری کیشیلر شامل 200 دن باشلب 600 کیشی گه قدر ایران تامانیدن اسلامقلعه گه یوباریلهدی.
اونگه کوره، اوتگن ایکی آی جریانیده چمهسی 15 مینگ افغانستانلیک مهاجر جبری شکلده اسلامقلعه چیگرهسی آرقهلی مملکت گه قیتریلگن.
شونینگدیک، هرات حاکمی سوزلاوچیسی جیلانی فرهادنینگ ایتیشیچه، ایران دن سورگون ایتیلگن مهاجرلر ایران پولیسی نینگ یامان یاندهشیدن شکایت قیلگن صورتده، اولر بو قضیه نی تیکشیرهدیلر.
عین دمده، هرات ولایتیده ایران نینگ سیاسی نمایندهلیگی، افغانستان مهاجرلری نینگ برابریده ایران پولیسی نینگ یامان یاندهشیشی نی رد قیلیب ایتیشیچه، هر بیر کیشی قانونی حجتی و پاسپورتی بولمهگن صورتده، مملکتی گه قیتریلهدی.
ناقانونی مهاجرلیککه یوق دینگ!
