فاریاب ولایتینینگ گرزیوان تومنی اوچ کوندن بویان قوراللی طالبلر تامانیدن هجوم آستیگه آلینگن.
فاریاب ولایت کینگشی اورین باسری صبغتالله سیلاب نینگ ایتیشیچه، حاضرگچه اوچ مهم قیشلاق طالبلرنینگ نظارتیگه اوتگن و قوراللی طالبلرنینگ جنگریلری مذکور تومن مرکزینینگ یقینیده جایلشگن.
اونگه کوره، قوراللی طالبلر مذکور تومننی نظارت گه آلیش اوچون مملکتنینگ جنوب و غربی منطقهلردن جنگری توپلهگن و حکومت بو قیینچیلیککه دقت قیلمهگن صورتده، انسانی مصیبت یوز بیریشی ممکن.
شونینگدیک، گرزیوان ولسوالی ملافیضالله نینگ ایتیشیچه، جوزجان، سرپل، غور و فاریاب ولایتلریدن توپلنگن مینگلرچه جنگری طالب مذکور تومن مرکزینینگ 200 کیلومترلیگیده جایلشگن.
اونگه کوره، کومندو، مردمی کوچلر و نظمعامه شامل 250 دن آرتیق امنیتی عسکر طالبلرنینگ قمراویده قالگن.
شو توغریده..
گرزیوان ولسواللیگی قیتهدن دولت ادارهسیگه اوتدی
اونینگ کوپهیتیریشیچه، مذکور تومن اوستیگه طالبلر تامانیدن اویوشتیریلگن هجومده 3 کیشی هلاک و باشقه 9 کیشی یرهلنگن و قوراللی طالبلردن هم 20 تهسی هلاک و باشقه 25 تهسی یرهلنگن.
عین حالده، فاریاب پولیس قومندانلیگی سوزلاوچیسی عبدالکریم یورش نینگ ایتیشیچه، گرزیوان تومنیده ییترلیچه حربی جهاز و کوچ موجود و خواطرگه اورین یوق دیر.
شوندهی بیرحالده، فاریاب حاکمی سوزلاوچیسی جاوید بیدار، گرزیوان تومنینینگ وضعیتیدن خبرسیزلیک بیلدیرگن.
