زابل ولایتی نینگ دایچوپان و شاهجوی تومنلریده افغان ملی کوچلری حربی قرارگاهی هجوم آستیگه آلینگن لیگی نتیجهسیده 20 پولیس اولدیریلگن. هجومده 10 دن آرتیق پولیس یرهلنگن.
زابل ولایتی نینگ والیسی بسمالله افغانمل، قوراللی طالبلر یکشنبه کون شاهجوی ودایچوپان تومنلریدهگی بعضی پوستهلرگه هجوم قیلگنلر دیدی.
ولایت نینگ وا لیسی، هجومده قوراللی طالبلرگه تلفات ییتگن دیگن. لیکن، جنگری طالبانگه ییتگن تلفات خصوصیده انیق بیر نرسه تیله آلمهگن رسمیلر.
شونینگدیک افغانمل، والی ادارهسی همده پولیس قوماندانلیگیگه قرشی اوندن آرتیق راکت آتیلگنلیگی بارهسیده خبر بیرگن. اونینگ سوزلریگه کوره، اوشبو راکت هجومی نتیجهسیده کیشی زیان ییتمهگن.
زابل ولایتی نینگ والیسی، منطقهگه حربی قوشین سفر بر ایتیلگن دیگن. اما، قوراللی طالبلرنینگ سوزلاووچیلریدن بیری قاری یوسف احمدی، افغان ملی کوچلریگه آغیر تلفات ییتکزیلگن لیگینی ادعا ایتگن.
زابل مملکت نینگ نا برقرار ولایتلریدن حسابنلهدی. بعضی بیر ایشانچلی امنیتی منبعلرگه کوره، طالبلر، داعش اعضالری و اویغولرنینگ عایلهسی ایسه خانهدانلری بیلن بعضی منطقهلرده جایلشگن.
