ننگرهار حاکمی سوزلاوچیسی عطاالله خوگیانی‌نینگ ایتیشیچه، طالبان گروهی‌نینگ 4 قومندانی شامل اوشبو گروه‌نینگ 54 اعضاسی خوفسیزلیک کوچلر قرشی‌سیده کوچ‌سیز بولگنی باعث تینچیلیک پروسه‌سی گه قوشیلگن.
خوگیانی جنابلری‌گه کوره، طالبان‌نینگ مذکور اعضالری بوندن آلدین نازیان، خوگیانی، اچین، مومندره، شیرزاد و غنی خیلی تومن‌لریده خوفسیزلیک کوچلری‌نینگ برابریده اوروش قیلیب کیلماقده ایکن‌لر.
تینچیلیک پروسه‌سی‌گه قوشیلگن قطار طالبلر‌نینگ ایتیشیچه، طالبان‌نینگ اوروش میدانی‌ده کوچ‌سیز بولگنی، حقیقت‌لرنی توشونیش و اوروش‌نینگ عالملر تامانیدن ناروا خطاب قیلینگنی، اولرنینگ تینچیلیک پروسه‌سی گه قوشیلیش گه سبب بولگن.
ننگرهار محلی مسئولری‌نینگ معلوماتی اساسی‌ده، نیچه پیت دن بویان دولت‌گه قرشی قورالی کیشی‌لردن کمیده 300 ته‌سی تینچیلیک پروسه‌سی گه قوشیلگن.
طالبان اوشبو اعضالرینی تینچیلیک پروسه‌سی گه قوشیلگنی خصوصیده، حاضرگچه میدیالرگه هیچ بیرنرسه دیمه‌گن.
