طاللباننینگ ایریم ولایتلردهگی هجومی، مملکت سیاستچیلری آرهسیده جنجللر چیقرگن. سونگی کونلرده اجتماعی ترماقلرده ارگ سوزلاوچیسینینگ اورین باسری شاهحسین مرتضوی و قطار سابق و حاضرگی حکومت رسمیلری آرهسیده لفظی جنجللر کوپهیگن.
غزنی و ارزگان ولایتلریدگی طالباننینگ هجومی و باشکینت یشاوچیلرینینگ یولگه قویگن ناراضلیک نمایشی، قطار سابق و حاضرگی حکومت رسمیلرینینگ تنقیدی گه روپهرو بولگن. بیراق جمهور رئیس سوزلاوچیسینینگ اورین باسری شاهحسین مرتضوی مذکور تنقیدلرگه قرشی، فیسبوک صحیفهسیده سیاستچیلرنی شرمسیز خطاب قیلگن.
جناب مرتضوی سیاستچیلر اینیقسه حنیف اتمر، رحمتالله نبیل، امرالله صالح و عمر زاخیلوالدن سیزلر وظیفهلریز دوامیده نیچه هزاره نی ایشگه آلگنسیزلر و نیچه مرته هزارهلر یشهیدیگن منطقهلرده سفر قیلگن سیزلر دیب سورهگن؟ اونینگ کوپهیتیریشیچه، افغانستان سیاستچیلری شرم ناملی بیرار نرسه نی بیلهدیلر می؟
بوندن کیین سیاستچیلر فیسبوک صحیفهلریده ارگ سوزلاوچیسینینگ اورینباسری گه جواب قیترگنلر. ملی خوفسیزلیک سابق باشلیغی رحمتالله نبیل ارگنینگ سوزلاوچیلرینی توشونمس و احساساتی دیب ایتیشیچه، سوزلاوچیلر معلومات ترقهتیش و یشاوچیلرگه جواب قیتهریش اورنیده، سیاستچیلر بیلن توقنهشووگه دیر.
خوفسیزلیک کینگشینینگ سابق مصلحتچیسی حنیف اتمر فیسبوک صحیفهسیده جناب مرتضویگه کنایه اوریب یازیشیچه، تاریخ 4 ییل آلدین سیز حکومتگه قتنشینگیزدن سونگ باشلنمهگن. او، مرتضوی دن عذر طلب قیلیشی نی سورهب و کوپهیتیریشیچه، یشاوچیلردن حمایت قیلیب سیس چیقاریش شرمسیزلیک ایمس دیر.
ملی خوفسیزلیک سابق باشلیغی امرالله صالح مرتضوی گه خطاب ایتیشیچه، او مملکت سیاسی و امنیتی وضعیتینینگ یمان بولگنی باعث، حیا قیلیب حکومتدن کنار کیتیشی لازم.
مملکت قطار ژورنالیستلری هم جمهورلیک ریاستی سوزلاوچیسی اورین باسرینی فیسبوکی واکنشلریگه قرشی کیلیب و اونی حرفهیی بولمهگن بیر کیشی دیگن.
اجتماعی ترماقلر ایشلاوچیلریدن بیرقطاریگه کوره، جمهورلیک ریاستی سوزلاوچیلیک دفترینینگ اورین باسری شونینگدیک پستلرنی یازیش بیلن حکومت سیماسیگه زیان یتیشتیرگن و اهالینینگ جمهورلیک ریاستیگه قرشی بولگن نفرتینی کوپهیتیرگن.
بو توغریده جناب مرتضوینینگ فکرینی آلیش اوچون سعی و حرکت قیلدیک؛ بیراق مرتضوی سلاموطندارنینگ سوراقیگه جواب بیرمهگن.
