افغانستان بوییچه شفاف سیلاو بنیادی یا-ده تیفانینگ ینگی تدقیقاتی گه کوره، مملکت یشاوچیلریدن 57.13% کیلهجک جمهورلیک ریاست سیلاویده اشتراک قیلمهیدی.
مملکت یشاوچیلری نینگ ایتیشیچه، خوفسیزلیک تهدیدلری، سیلاوگه نسبتن تینچلیک جریانی گه اولویت بیریلیشی و سیلاو مهندسلیک قیلینیشی خصوصیده بولگن سعی و حرکتلر باعث، کیلهجک جمهورلیک ریاست سیلاویده قتنشمهیدی.
مذکور اداره تامانیدن اوتکزیلگن تدقیقات نتیجهسی بوگون کابلده یولگه قوییلگن خبری بیر ییغین اعلان ایتیلگن و بو تدقیقات اساسیده، صحبت بیرگنلردن 42.87% سیلاوده اشتراک قیلیشلرینی ایتگن.
افغانستان بوییچه شفاف سیلاو بنیادی باشلیغی محمدنعیم ایوبزاده، 1398- ییل، جمهورلیک ریاست سیلاویده اهالی اشتراک قیلمهسیدن خواطر بیلدیریب ایتیشیچه، بو موضوع کیلهجک سیلاو غیرمشروع بولیشی گه سبب بولهدی.
جناب ایوبزاده، خوفسیزلیک تهدیدلرینی کیلهجک جمهورلیک ریاست سیلاوی یولگه قوییلیشی برابریده اینگ کته قیینچیلیک دیب بیلهدی.
اوشبو تدقیقات مملکت نینگ 34 ولایتیده 3 آی جریانیده 5 مینگ و 200 کیشی بیلن صحبت اوتکزیلیب تیارلنگن و اشتراکچیلریدن 67% ایرککلر و 33% عیاللر بولگن.
جمهورلیک ریاست سیلاوی جاری ییل، 6- میزان ده یولگه قوییلیشی خصوصیده قرار قیلینگن و بو سیلاوده جمهور رئیس غنی و اجراییه باشلیغی عبدالله عبدالله شامل 18 کیشی نامزد بولگن.
