بغلان ولایتینینگ اصلی اهالیسی بولگن عیال صفیه وزیر، کیچیکلیگیده افغانستاننی ترک قیلگن ایدی و اوتگن کون آمریکاده اوتکزیلگن سیلاوده یوتوققه ایریشدی.
آمریکانینگ نیوهمپشاپر ایالتینی کانکورد منطقهسیدن دموکرات حزبینینگ نامزدی صفیه وزیر، اوتگن کون آمریکاده اوتکزیلگن سیلاوده جمهوریتچی رقیبی دینس سوسینینگ مغلوب ایتیب و آمریکانینگ نیوهمپشایر ایالتینی مجلسی گه یول تاپگن.
وزیر، بیر آی آلدین ایالت سرهلش سیلاویده نیوهمپشایر ایالتینینگ مجلسیده تورت دوره نمایندهلیک قیلگن دموکراتلیک رقیبینی مغلوب ایتگن ایدی.
صفیه وزیر 1997- ییلده 6 یاشیده بولگن چاغیده افغانستاننی ترک قیلگن.
او، 10 ییل اوزبیکستانده حیات کیچیرگن و 16 یاشرلیگیده آنه سیبیلن آمریکا بارگن.
صفیه و عایلهسی انگلیسی بیلمس ایدی و شویوزه دن آمریکاده کیلگن بیر چاغیده اوزلرینی چیتایل بیر محیط ده تاپتدیلر و انهشو باعث باشقهلر بیلن علاقه قوریشگه کوچسیز بولدیلر.
صفیه انگلیسی تیلی نی اورگنیش اوچون فارسی- انگلیسی لغتنامهسی یانیده انگلیسی سوزلشولریگه قولاق توتیدی، او اوزبیکستانده روسی و اوزبیکی تیللرینی اورگنگنی باعث انگلیسی نی اورگنیشگه اورینیب و نهایتده انگلیسی نی اورگندی.
او، کنکورد شهرینینگ لیسهلریدن بیریسیگه شامل بولیب و 2011- ییلده مکتب نی توگتدی.
وزیر، اقتصادی قیینچیلیکلر وعایلهسیگه یاردم بیریش اوچون اوقووچیلیک زمانیده والمارت ناملی بیر فروشگاه گه ایشلردی.
او، تحصیلی نی دوام بیریش اوچون محلی تحصیلی بیر موسسهده شامل بولدی و ایشی نی هم دوام بیریش اوچون بو موسسهنینگ کیچکی بولیمیده تحصیل بیلن شغلندی و 5 ییلدن کیین مذکور موسسهنی بیتیردی.
صفیه وزیر میلادی 2013- ییلده 22 یاشیده بولگن چاغیده آمریکا کیملیگینی آلگن.
وزیر، اویلنگن و ایکی قیز بالهنینگ آنهسی دیر و تیزلیکده اوچینچی بالهسینی دنیاگه کیلتیریشی اوچون قرار قیلگن.
نیوهمپشایر ایالتینینگ سرهلش سیلاو کمپاینی جریانیده، صفیه وزیرنینگ نیوهمپشایر ایالتیده دنیاگه کیلیب و بو ایالتنینگ 4 دور نمایندهسی بولگن دموکرات رقیبی 66 یاشر دیک پتین، خانم وزیرنینگ مهاجرلیگینی اونینگ سلبی نکتهلریدن بیری دیب و صفیه وزیرنینگ مهاجرلیگی اونینگ سیلاو کمپاینی اوستیگه سلبی تأثیر قوییشینی بیلدیرگن ایدی.
پتیننینگ باشقه بیر تنقیدی اساسیده، صفیه حاملهلیگی و ایکی بالهسی بولگنی باعث، ایالت ایشلرینی عملگه آشیره آلمهیدی.
بیراق، 27 یاشیده بولگن صفیه وزیر، نهفقط تجربهلی دموکراتلیک رقیبینی مغلوب ایتدی؛ بلکیم اوتگن کون یولگه قوییلگن سیلاوده جمهوریتچی رقیبیگه هم غلبه قازاندی.
