غور ده برشنا شرکتینینگ آمری محمدیاسین نورزادنینگ سلاموطندارگه ایتیشیچه، بوندن بویان فیروزکوه شهرینینگ یشاوچیلریگه برق توزیع قیله آلمهیدیلر. اونینگ ایتیشیچه، تیل بولمهگنی سبب برقنی کیسیب قوییگنلر.
جناب نورزاد که کوره، ایکی آیدن بویان جنراتورلرنینگ تیلینی اوشبو ولایت بازاریدن تهیه قیلهریدیلر، بیراق حاضرده قرضدارلیک باعث تیل تهیه قیله آلمهیدیلر.
غور ده برشنا شرکتینی آمرینینگ ایتیشیچه، بو موضوعنی نیچه مرته مرکزی و محلی مسووللر بیلن شریک قیلگن؛ بیراق حاضرگهقدر هیچقندی دقت بولمهگن.
فیروزکوه یشاوچیلریدن بیرقطارینینگ برق توزیع بولمهیشیدن خواطر بیلدیریب ایتیشیچه، محلی و مرکزی مسووللرنینگ مدیریتسیزلیگی سبب برقلری کیسیلیب قوییلگن.
اولرنینگ ایتیشیچه، بیرینچی امیدلری پوزلیچ برق توغانی ایدی، بیراق اوشبو توغاننینگ قوریش ایشی هم ایکی ییلدن بویان تاختهتیلیب قوییلگن.
غور ولایتینینگ سرپرستی حبیبالله رادمنشنینگ ایتیشیچه، تیلنینگ قرارداد بولمهگنی باعث فیروزکوه شهرینینگ برقی کیسیلیب قوییلگن. جناب رادمنش گه کوره، بو موضوعنی نیچه مرته مرکزی حکومت بیلن شریک قیلگن و تیزلیککه پکتیا ولایتیدن تیل یوباریلهدی.
برشنا شرکتینینگ غور ولایتیدهگی مسووللرینینگ ایتیشیچه، اولر یالغیز کیچه تاماندن فیروزکوه یشاوچیلریگه برق بیرهدیلر و هر بیر کیلوات برقنینگ بهاسی 30 دن 60 افغانی گچه دیر.
