بامیان ولایتینینگ دستلبکی محکمهسی، مذکور ولایت معارف ریاستیدهگی اداری فساد دوسیهسینی تیکشیرگنیدن کیین، اوتگن (سهشنبه کون) معارف ریاستینینگ 12 بلند مرتبهلی ملازمینی 15 کوندن 6 ییلگچه حبسگه محکوم قیلدی. شونینگدیک، اوشبو محکمه تیکشیروولریدن کیین، مذکور ریاستنینگ باشقه 7 ایشچیسی نقدی جریمهلرگه محکوم بولگن.
آتی فاش ایتیلیشینی ایستمهگن محلی منبعلردن بیرینینگ سلاموطندارگه ایتیشیچه، بامیان ولایتینینگ معارف ریاستی باشلیغی محمدرضا ادا، 6 ییل قماق و 8 میلیون افغانیدن آرتیق پول توللشگه، بامیان معارف ریاستی سابق باشلیغی محمدعلی واثق، اوچ ییل قماق و 3 میلیون افغانیدن آرتیق پول توللشگه، شیبر تومنینینگ معارف آمری سلطان علی، 6 ییل قماق و کمیده 8 میلیون افغانی توللشگه، ورس تومنینینگ معارف آمری حسین عالی، 3 ییل حبس و چمهسی 4 میلیون افغانی توللشگه محکوم ایتیلگنلر.
شونینگدیک، کهمرد تومنینینگ معارف آمری غلام دستگیر، قولابی حجت جرمیگه، معارف ریاستی اداری اورین باسری، غلامحسین شریفی، بشری منبع مدیری، میرحسین، ایشگه قبول قیلیش مدیریتینینگ ایشچیسی، بسمالله، معارف ریاستی سوانح مدیری، محمدشریف و پنجاب تومنینینگ معارف آمری، سیدجواد، وظیفهلریگه بیفرق یاندهشیشگه عیبلنیب، 1 آیدن 5 ییلگچه ترتیبلی حبس و نقدی جریمه توللشگه محکوم قیلینگنلر.
بامیان ولایتینینگ معارف ریاستی اداری فساد دوسیهسیگه آتلری رویخطگه آلینگن اوقیتووچیلردن، 6 کیشی نیچه آیلیک قماق و نقدی جریمهلر توللشگه محکوم بولگنلر.
ایسلنگن منبعنینگ سلاموطندارگه ایتیشیچه، بامیان ولایتینینگ معارف ریاستیدهگی کینگ فساد دوسیهسیگه، معارف ریاستینینگ بیرمینگ و یوز ایشچیسینی آتی رویخطگه آلینگن و بو رقم آرهسیدن 229 کیشی خیالی اوقیتووچی بولگن.
اوشبو جنجللی دوسیه، کمیده 8 آی آلدین، بامیان قارهلاوچیلیگی تامانیدن تیارلنگن و اونگه کمیده 90 میلیون افغانی تالان قیلینگنی ایتیلگن.
