بوگون "شنبه"هرات ولایتینینگ یوزلرچه یشاوچیلری اهل تشیع دین عالملریدن بیری محمدجعفر توکلینینگ ترور ایتیلیشی اوچون ولایت بیناسی برابریده توپلهنیب اوشبو عملنی قرهلگنلر.
ناراضچی لرنینگ، حکومت اینقسه امنیتی اداره لردن تنقید قیلیب ایتیشیچه، حکومت شونینگدیک واقعهلردن سونگ اونینگ عامللرینی جزا لنتیریشیدن وعده بیرهدی؛ بیراق عمل قیلمهیدی.
ناراضچی لر ولایت ایشیگینی یاپیق قویش بیلن اوشبو واقعه عامللری اوشلهنیب جزا لنتیریلمهگن حالده ولایت ایشیگی یاپیق قالیشی نی بیلدیرگنلر.
هرات ولایت کینگشی اعضاسی سکینه حسینی و مهدی حدیدنینگ ایتیشیچه، ملی بیرلیکحکومتی خوفسیزلیک نی تامینلش خصوصیده ناکام ایکن و اوز وعده لریگه عمل قیلهآلمهگن.
اولرنینگ ایتیشیچه، ناراضلیک بیرکون گه خلاصه بولمیدی و واقعه عامللری حکومت تامانیدن تانیلیب قولگه آلینمهگن گهقدر ناراضلیک دوام تاپهدی.
عینحالده، جمهور رییس غنی بیرخبرنامه ترقهتیش بیلن بو واقعهگه قرشی واکنش کورستگن. خبرنامه گه کوره، دین عالملر و نفوذلی شخصیتلرنی هدف آستیگه قرار بیریش بخشش لنمیدیگن جنایت دیر.
خبرنامه گوره، جمهور رییس غنی، اوشبو واقعه عامللرینی قولگه آلیش اوچون امنیتی اداره لرگه دستور بیرگن.
نماینده لرکینگشی هم بو واقعه نی قرهلب، مجلس ایچکی خوفسیزلیک کمیسیونیگه امنیتی اداره لر همکارلیگیده واقعه عامللرینی تانیب قانونگه تاپشیریش دستورینی بیرگن.
مذکور ناراضلیککه اشتراک قیلگن ملت وکیل لریدن بیرقطارینینگ ایتیشیچه، ترور و ناتیینچلیک اهالی نی خواطرگه تشلهگن.
اولرنینگ آگاهلنتریب ایتیشیچه، شونینگدیک واقعهلر عامللری حکومت تامانیدن قولگه آلینمهگن صورتده واقعه پیامدلریگه حکومت مسوول دیر.
هرات حاکمی محمدآصف رحیمی، ناراضچیلر آرهسیده صحبت قیلیش بیلن اوشبو واقعه عامللرینی قولگه آلینیشیدن وعده بیرگن.
او مذکور واقعه عامللری قولگه آلینیشی اوچون اهالیدن امنیتی کوچلرگه همکارلیک قیلیش لرینی سورهگن.
اهل تشیع اوشبو تانیقلی دین عالمی شیخ حاجی محمد جعفر توکلی اوتکن کون شام چاغیده هرات شهریده ناتانیش قورلی کیشیلر تامانیدن اولدیریلدی.
